অসম লাইভ২৪ঃ ট্ৰেফিক আইন ভঙাৰ বাবে গাড়ীৰ চালকৰ পৰা ফাইন সংগ্ৰহ কৰিছিল। কিন্তু সেই জৰিমনাৰ ধন চৰকাৰী বেংক একাউণ্টত জমা নকৰিলে। ঘটনাটো হাৰিয়ানাৰ। ইতিমধ্যে ট্ৰেফিক পুলিচজনক গ্ৰেপ্তাৰ কৰিবলৈ সক্ষম হৈছে হাৰিয়ানা আৰক্ষীয়ে। অভিযোগ অনুসৰি ই-চালানৰ মাধ্যমেৰে আইন ভঙ্গকাৰীৰ পৰা প্ৰায় তিনি কোটি টকা সংগ্ৰহ কৰিছিল আৰক্ষীগৰাকীয়ে। কিন্তু এই ধন কনিষ্টবলগৰাকীয়ে জমা নিদিলে।
অভিযোগ অনুসৰি আৰক্ষীগৰাকীয়ে ভুৱা ই-চালান কাটি ধন সংগ্ৰহ কৰিছিল হাৰিয়ানাৰ ৰাজপথত। মে মাহত আইন ভঙাৰ বাবে গাড়ীৰ চালকৰ পৰা কিমান টকা জৰিমনা লৈছিল সেই হিচাপ বিচাৰিছিল আৰক্ষীৰ ওপৰ মহলৰ পৰা। তেতিয়াই পোহৰলৈ আহে এই দুৰ্নীতি। জৰিমনা হিচাপে হাৰিয়ানাৰ সেই এলেকাত যিমান ধন জমা দিছে সেই ধনৰ হিচাপ মিলাব পৰা নাছিল। তাৰপাছতেই সেই এলেকাত থকা ট্ৰেফিক পুলিচৰ বিৰুদ্ধে তদন্তৰ নিৰ্দেশ দিছিল।
তদন্ততেই পোহৰলৈ আহে যে প্ৰায় ৩কোটি টকাৰ হিচাপ মিলা নাই। তদন্তত দেখা গৈছে যে প্ৰধান কনিষ্টবল ওমবীৰে ই-চালান কটাৰ নামত সেই ধন আত্মসাৎ কৰিছে। চৰকাৰী টকা নিজৰ কৰি লৈছিল ওমবীৰে। তদন্তত দেখা গৈছে যে ২০২০ চনৰ জুন মাহত ই চালানৰ মাধ্যমেৰে ১.৪ লাখ টকা জমা দিছিল ওমবীৰে। কিন্তু ২০২০ চনৰ অক্টোবৰ মাহত ১.৪ লাখ টকা ই-চালানৰ মাধ্যমেৰে তোলা হৈছিল যদিও সেই ধন একাউণ্টত জমা দিয়া হোৱা নাছিল। ওমবীৰে মুঠ ৩ কোটি ২৩ লাখ চৰকাৰী ধন হস্তগত কৰিছে। ইতিমধ্যে ওমবীৰক গ্ৰেপ্তাৰ কৰিছে হাৰিয়ানা আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
