অসম লাইভ২৪ঃ নগ্ন ফটোশ্বুট কৰি সমগ্ৰ দেশতেই ককৰ্থনাৰ সন্মুখীন হৈছিল ৰণবীৰ সিং। নিউৱৰ্কৰ এক ফেশ্বন পত্ৰিকাৰ বাবে বিগত জুলাই মাহত এই ফটোশ্বুট কৰিছিল ৰণবীৰে। কিন্তু ভাৰতীয় অভিনেতাসকলৰ ভিতৰত ৰণবীৰেই প্ৰথম নগ্ন ফটোশ্বুট কৰিছে এনে নহয়। পুৰুষ মডেলৰ সমান্তৰালকৈ বহুকেইগৰাকী অভিনেত্ৰী তথা মডেলেও নগ্ন ফটোশ্বুট কৰিছে। এইদৰে ফেশ্বন পত্ৰিকাৰ বাবে কৰা নগ্ন ফটোশ্বুটত নাম সন্নিবিষ্ট হৈ আছে স্বপ্না ভবানী, পুনম পাণ্ডে, আসীম ৰিয়াজ, মন্দানা কৰিমিকে ধৰি বহুকেইগৰাকী অভিনেতা-অভিনেত্ৰী।
পোনতেই এনে ফটোশ্বুট কৰিছিল স্বপ্না ভবানীয়ে। বলীউডৰ পৰা ৰাজনীতি অথৱা ভাৰতীয় ক্ৰিয়া জগতেই হওক সকলোতে প্ৰভাৱ আছে স্বপ্নাৰ। স্বপ্না এগৰাকী হেয়াৰষ্টাইলিছ। ইয়াৰোপৰি লেখা মেলাৰ সৈতেও জড়িত স্বপ্না। ২০১৩ চনত স্বপ্নাই ‘নিৰ্ভয়া’ নাটকৰ বাবে এডিনবৰা ফ্ৰিঞ্জ ফেষ্টিভেললৈ গৈছিল। সেই স্বপ্নাইয়েই পোনতে নগ্ন ফটোশ্বুটেৰে বহুতৰে আকৰ্ষণৰ কেন্দ্ৰ হৈ পৰিছিল। ৰণবীৰৰ বহু পূৰ্বেই এই ফটোশ্বুট কৰিছিল স্বপ্নাই। ২০১৩ চনত এই ফটোশ্বুট কৰিছিল স্বপ্নাই। ৰণবীৰৰ এই পষ্ট ভাইৰেল হৈ পৰাৰ পাছতেই স্বপ্নাইয়ো নিজা ফটোখন পুনৰ শ্বেয়াৰ কৰিছিল।
স্বপ্নাৰ পাছতেই নাম আহে অংকিত ভাটিয়া। উত্তৰাখণ্ডৰ যুৱক অংকিতেও গ্লেমাৰাছ ফটোশ্বুট কৰি চৰ্চা লাভ কৰিছিল। বৰ্তমান অংকিতে জি-টিভিৰ ‘ভাগ্য লক্ষ্মী’ ধাৰাবাহিকত খলনায়কৰ চৰিত্ৰত অভিনয় কৰিছে। ২০১৭ চনতেই নগ্ন ফটোশ্বুট কৰিছে অংকিতে। ৰণবীৰে অকলে এই ফটোশ্বুট কৰিছিল যদিও অংকিতে অভিনেত্ৰী টিনা দত্তৰ সৈতে যুটিয়াভাৱে এই ফটোশ্বুট কৰিছিল।
মাছাবা মাছাবা ছিৰিজত জনপ্ৰিয় চৰিত্ৰত অভিনয় কৰা ৰত্যাশা ৰাঠোৰক কোনে নাজানে! টেলিবিছনৰ জগতৰ চিনাকী চৰিত্ৰ ৰত্যাশা। কুণাল ৰয় কাপুৰৰ সৈতে দুখনকৈ বলীউড ছবিত অভিনয় কৰিছিল ৰত্যাশাই। বিগত বৰ্ষত নেটফ্লিক্সৰ কমেডি প্ৰিমিয়াম লিগতো অভিনয় কৰিছিল ৰত্যাশাই। উন্মুক্ত নাৰীদেহ মুকলিকৈ দেখুওৱা আজিও আমাৰ সমাজত নিষেধ যদিও ৰত্যাশাৰ নগ্ন ফটোশ্বুটে এই মানসিকতাৰ লোকলৈ এক মোক্ষম আঘাত বুলি বহুতেই দাবী কৰে। ইনষ্টাগ্ৰামত নিজেই এই ফটো শ্বেয়াৰ কৰি ৰত্যাশাই লিখিছিল, ‘তেওঁ আকবৰৰ দৰে ৰজাই হওক নতুবা পথৰ ভিক্ষাৰী, সকলোৰে দেহৰ নিজস্ব সৌন্দৰ্য আছে।’
কম কাপোৰেৰে হওক বা সন্পূৰ্ণ নগ্নকৈয়ে হওক, ফটোশ্বুটত আগত থাকে পুনম পাণ্ডেও। হিন্দী, তামিল, তেলেগু চিনেমাকে ধৰি বহু ছবিত কাম কৰিছে পুনমে। নেটদুনীয়াত পুনমৰ পোছাকহীন শৰীৰ বহুবাৰ ভাইৰেল হৈছে। ২০১১ চনত আইছিছি বিশ্বকাপৰ সময়তো পুনমে এটা চেলেঞ্জ দিছিল যদি এম এছ ধোনীৰ দলে আইছিছি ৰ ট্ৰফী জিকিব পাৰে তেন্তে ষ্টেডিয়ামতে নগ্ন হৈ দিব পুনম। কিন্তু বিচিচিআইয়ে এই কাৰ্যৰ বাবে পুনমক অনুমতি প্ৰদান নকৰিলে।
বিগ বছ-১৩লৈ অহা আছিম ৰিয়াজ সকলোৰে পৰিছিত। আছিমৰ ব্যক্তিত্বই বহুতকেই আকৰ্ষণো কৰিছিল। ২৯ বছৰীয়া মডেল আছিম ৰিয়াজে ৰণবীৰ সিঙৰ পূৰ্বেই নগ্ন ফটোশ্বুট কৰিছিল। ২০১৭ চনত আছিমে কৰিছিল এই ফটোশ্বুট। ইয়াৰোপৰি অভিনেত্ৰী কাশ্মীৰা শ্বাহ, ছানি লিঅনি, মনিকা ডোগৰা, মন্দনা কৰিমি, কৰ্ণবীৰ মেহৰাকে ধৰি বহুকেইগৰাকী অভিনেতাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
