অসম লাইভ২৪ঃ শনিবাৰে নিশা সুখবৰটো নিজেই দিছে ইলিয়ানা ডি’ক্ৰুজে। ১ আগষ্ঠত পুত্ৰ সন্তানৰ মাতৃ হ’ল ইলিয়ানা ডি’ক্ৰজ। সন্তানটোৰ নাম দিছে কোয়া ফিনিক্স ডোলান। অন্তঃসত্ত্বা অৱস্থাত গৰ্ভস্থ সন্তানৰ পিতৃ পৰিচয় গোপনে ৰাখিছিল ইলিয়ানাই। বহুতেই ভাৱিছিল চিংগল মাদাৰ হ’ব ইলিয়ানা। কিন্তু সন্তান জন্মৰ পাছতেই পিতৃ পৰিচয়ো পোহৰলৈ আনিছে ইলিয়ানাই।
সন্তানসম্ভৱা হোৱাৰ দুসপ্তাহ পাছতেই মুকলি কৰিছে স্বামীৰ পৰিচয়। তেওঁৰ স্বামীৰ নাম মাইকেল ডোলান.। সূত্ৰৰ খবৰ অনুসৰি তেওঁলোক দুয়োৱে খ্ৰীষ্টিয়ান ধৰ্ম মানি বিবাহপাশত আৱদ্ধ হৈছে। কিন্তু ক’ত কেতিয়া দুয়োৱে বিবাহ কৰালে সেই কথা ইলিয়ানাই প্ৰকাশ কৰা নাই। অন্তসত্ত্বা অৱস্থাত একাধিক সমালোচনাৰো সন্মুখীন হৈছিল ইলিয়ানা। কিন্তু কোনো কটাক্ষৰেই উত্তৰ নিদিলে ইলিয়ানাই। অৱশেষত শনিবাৰে নিশা এই সুখবৰ দিলে ইলিয়ানাই। পুত্ৰৰ ছবি শ্বেয়াৰ কৰি ইলিয়ানাই লিখিছে, ‘কোনো শব্দৰেই এই আনন্দৰ বৰ্ণনা কৰিব নোৱাৰি। পৃথিৱীলৈ তোমাক স্বাগতম।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
