অসম লাইভ২৪ঃ ভাৰতীয় হিন্দু মহিলা। প্ৰেমৰ টানতেই পাকিস্তান পালেগৈ হিন্দু মহিলা অঞ্জু। পাকিস্তানলৈ গৈয়েই ধৰ্ম পৰিবৰ্তন কৰি দীৰ্ঘদিনীয়া প্ৰেমিক নাছৰুল্লাৰ সৈতে বিয়াত বহে অঞ্জু। শেহতীয়াকৈ অঞ্জুৰ স্বামী তথা প্ৰেমিক নাছৰুল্লাহে কৰিছে বিশেষ পোষ্ট। পোষ্টটোৰ জৰিয়তে নাছৰুল্লাহে জনাইছে যে অচিয়েই অঞ্জুৱে লাভ কৰিব পাকিস্তানৰ নাগৰিকত্ব। ইয়াৰোপৰি থাকিবৰ বাবে অঞ্জুক প্ৰদান কৰা হ’ব ভূমিও। পাকিস্তানৰ পাখতুনখোয়াত অঞ্জুক দিয়া হ’ব ভূমি। অঞ্জুৰ নথিপত্ৰৰ পৰীক্ষা নিৰীক্ষা শেষ হ’লেই তেওঁক দিয়া হ’ব চাকৰিও। চাকৰিত জইন কৰিলেই মোটা অংকৰ ধন লাভ কৰিব অঞ্জুৱে।
এটা ব্যক্তিগত সংস্থাৰ মালিক আব্বাচিয়ে এই সন্দৰ্ভত কয়, ‘অঞ্জুক ২৭২ বৰ্গফুটৰ মাটি প্ৰদান কৰা হৈছে। ৫০ হাজাৰ পাকিস্তানী ৰুপিৰ ওপৰিও কিছু উপহাৰ প্ৰদান কৰিছো। পাকিস্তানত অঞ্জুক স্বাগতম জনাবলৈকে এই সমূহ আয়োজন।’ অঞ্জুৱে যাতে কোনো কাৰণতে তেওঁ ভাৰতৰ নিচিনা এখন দেশ এৰি আহিছো বুলি পস্তাবলগীয়া নহয় তাৰবাবেই এই সমূহ আয়োজন বুলিও জনাইছে পাকিস্তানী ব্যৱসায়ীজনে।
ইফালে অঞ্জুৰ প্ৰেমিক নাছৰুল্লাহে পাকিস্তানৰ এক স্থানীয় সংবাদমাধ্যমে জনোৱা অনুসৰি, ‘ভিছাৰ ম্যাদ শেষ হ’লেই অঞ্জু ভাৰতলৈ উভতি যাব। তাৰপৰাই সন্তানকেইটাক লৈ আকৌ পাকিস্তানলৈ উভতি আহিব। নাছৰুল্লাহে লগতে কয়, অঞ্জুৱে অচিৰেই পাকিস্তানৰ নাগৰিকত্ব লাভ কৰিব। আনহাতে অঞ্জুৱে এক সাক্ষাৎতকাৰত উল্লেখ কৰিছে যে তেওঁক লৈ ভুৱা বাতৰি প্ৰচাৰ হৈছে। তেওঁ বৰ্তমানলৈ বিয়াত বহা নাই। ধৰ্মও সলনি কৰা নাই। শীঘ্ৰেই তেওঁ ভাৰতলৈ উভতিব। অৱশ্যে কোন সঁচা কোন মিছা সেয়া এতিয়াও স্পষ্ট হোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
