অসম লাইভ২৪ঃ সন্তানৰ প্ৰতি দায়বদ্ধতা! দুমুঠি মুখৰ আগত দিয়াতেই জানো দায়িত্ব শেষ হয়? সন্তানক এজন শিক্ষিত ব্যক্তি হিচাপে গঢ়ি তোলাৰ সপোনতো প্ৰত্যেক মাতৃয়েই দেখে। সপোন দেখিবলৈ সহজ কিন্তু বাস্তৱ বৰ নিদাৰুণ। সন্তানক মানুহ কৰিম বুলি ভাৱিয়েই মাতৃয়ে ল’লে এই বৃহৎ সিদ্ধান্ত। সন্তানক পঢ়াৰ খৰচ যোগান ধৰিবলৈকে মাতৃয়ে কৰিলে দুসাহসিক কাম। মাতৃ জীয়াই নাথাকিলেও সন্তানক দি গ’ল সুৰক্ষিত এক ভৱিষ্যত।
সন্তানক কলেজৰ খৰচ দিবলৈ গৈয়েই প্ৰাণ দিলে মহিলাই। চলন্ত বাছৰ সন্মুখত কিয় জাঁপ দিলে মহিলাই? বাছখনৰ খুন্দাত লগে লগেই নিহত হয় মহিলাগৰাকী।
তামিলনাডুৰ চেলম চহৰত এই ঘটনা। ৪৫বছৰীয়া মহিলাগৰাকী তামিলনাডুৰ কালেক্টৰ কাৰ্যালয়ৰ এগৰাকী চাফাই কৰ্মী আছিল। মহিলাগৰাকীয়ে চাফাই কৰ্মী হিচাপে কাম কৰি সন্তানক দুবেলা দুমুঠি যোগান ধৰিব পাৰিলেও সন্তানৰ পঢ়াৰ খৰচ যোগান ধৰাত ব্যৰ্থ হৈছিল। সন্তানৰ পঢ়াৰ প্ৰতি থকা ধাউতি দেখি মহিলাগৰাকীয়ে সন্তানক কলেজীয়া শিক্ষা বাদ দিবলৈকো ক’ব পৰা নাছিল। সন্তানৰ সপোন পূৰ কৰিবলৈকে মাতৃয়ে লৈছিল এই পন্থা।
ঘটনাটো ২৪ জুনৰেই। চিচিটিভি ফুটেজত বন্দী হৈছিল এই শিঁহৰণকাৰী ঘটনা। মহিলাগৰাকীয়ে এবাৰ নহয় দুবাৰকৈ চলন্ত বাছৰ সন্মুখত জপিঁয়াইছিল। উদ্দেশ্য এটাই তেঁওৰ মৃত্যু হ’লে সন্তানে লাভ কৰিব ক্ষতিপূৰণ। সেই ক্ষতিপূৰণেই সুনিশ্চিত কৰিব সন্তানৰ শৈক্ষিক ভৱিষ্যত। মাতৃৰ মৃত্যুৰ পাছত সন্তানে তেওঁ ভৱাধৰণেই ক্ষতিপূৰণ লাভ কৰিছে। কিন্তু পূত্ৰৰ এই সুনিশ্চিত ভৱিষ্যতৰ সপোন একেলগে থাকিবলৈ মাতৃ আৰু এই পৃথিৱীত নাথাকিল। বিগত ১৫বছৰ ধৰি স্বামীৰ পৰা বিচ্ছিন্ন হৈ তেওঁ অকলেই লৈ আহিছিল সন্তানটোৰ দায়িত্ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
