অসম লাইভ২৪ঃ অন্তঃসত্ত্বা মহিলাসকলক ৰামায়ণ পাঠ কৰাওক। মানসিক আৰু শাৰীৰিকভাৱে সুস্থ কৰি ৰাখিবলৈ সন্তান গৰ্ভত থাকোতেই মাতৃয়ে ৰামায়ণ পাঠ কৰক। এই মন্তব্য তেলেংগানাৰ ৰাজ্যপাল তামিলিছাই সুন্দৰৰাজনৰ। দেওবাৰে ৰাষ্ট্ৰীয় স্বয়ংসেৱক সংঘই আয়োজন কৰা ‘গৰ্ভ সংস্কাৰ’ অনুষ্ঠানত যোগ দি এই মন্তব্য আগবঢ়াইছে তেলেংগানাৰ ৰাজ্যপালগৰাকীয়ে।
ৰাজ্যপালগৰাকীয়ে ভাষণত সন্তান সম্ভৱা মহিলাসকলে কি কি কৰা উচিত সেই সম্পৰ্কে ভাষণত উল্লেখ কৰিছে। মন্তব্যত ৰাজ্যপালগৰাকীয়ে অন্তঃসত্ত্বাসকলক ৰামায়ন পাঠ কৰিবলৈ পৰামৰ্শ দিছে। তামিলিছাই সুন্দৰৰাজন কেৱল এগৰাকী ৰাজ্যপালেই নহয়। তেওঁ এগৰাকী স্ত্ৰীৰোগ বিশেষজ্ঞ আৰু ভ্ৰুণ থেৰাপিষ্টো।
উল্লেখ্য যে প্ৰাচীন ভাৰতীয় মহাকাব্য ৰামায়ণত মুঠ ৭টা খণ্ড আছে। ইয়াৰ মাজতেই সন্তানসম্ভৱা মহিলাসকলক সুন্দৰকাণ্ড পঢ়িবলৈ নিৰ্দেশ দিছে সুন্দৰৰাজনে। এই অংশটো ৰামায়ণৰ পঞ্চম অংশত আছে। সুন্দৰকাণ্ডত হনুমানৰ দুঃসাহসিক বিভিন্ন কামৰো বৰ্ণনা কৰা আছে। ইয়াৰোপৰি প্ৰভু ৰামৰ প্ৰতি নিষ্ঠা আৰু ভক্তিও ফুটাই ফুটি উঠিছে ৰামায়ণৰ সেই বিশেষ অংশত। ‘গাঁৱত আমি গৰ্ভৱতী মহিলাসকলৰ ৰামায়ণ, মহাভাৰত আৰু অন্যান্য মহাকাব্য পঢ়া দেখিছো। তামিলনাডুতো এই লোকবিশ্বাস আছে। অন্তঃসত্ত্বা অৱস্থাত ৰামায়ণ পঢ়িলে সুস্থ সন্তানৰ জন্ম দিয়ে। এই প্ৰমাণ আমি পাই আহিছো।’
ইয়াৰোপৰি ৰাজ্যপালগৰাকীয়ে অন্তঃসত্ত্বা মহিলাসকলক যোগভ্যাস কৰাৰো পৰামৰ্শ দিছে তেলেংগানাৰ ৰাজ্যপালে। তেওঁ এই সন্দৰ্ভত কয়, ‘সন্তান সম্ভৱা মহিলাসকলৰ স্বাস্থ্য ঠিকে ৰখাৰ বাবে যোগভ্যাস নিতান্তই প্ৰয়োজন। এনেকৈ মহিলাসকলে প্ৰাকৃতিকভাৱে সুস্থ সৱল সন্তান জন্ম দিয়ে। সন্তানক ভাল সংস্কাৰ দিবলৈ হ’লে মহাকাব্য জনাটো নিতান্তই প্ৰয়োজন।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
