অসম লাইভ ২৪ঃ বিলউড অভিনেতা নৱাজুদ্দিন ছিদ্দীকীৰ পত্নী আলিয়াই প্ৰতি মুহূর্তত নৱাজুদ্দিনক আক্ৰমণ কৰি আহিছে। প্ৰথমে আলিয়াই নৱাজুদ্দিনলৈ বিবাহ-বিচ্ছেদৰ জাননী পঠিয়ায়। আৰু তাৰ পাছত এইবাৰ আলিয়াই নৱাজুদ্দিনৰ ভাতৃৰ বিৰুদ্ধে নিজৰ কন্যাক যৌন নির্যাতন চলোৱাৰ অভিযোগ তুলিছে। প্ৰাপ্ত তথ্য মতে নৱাজুদ্দিনৰ ভাতৃ মিনাজউদ্দিনে আলিয়াৰ ৯ বছৰীয়া কন্যাক যৌন নির্যাতন চলাইছিল। যাৰ বাবে আলিয়াই মুম্বাইত নৱাজুদ্দিনৰ লগতে তেওঁৰ পৰিয়ালৰ বিৰুদ্ধে এক FIR দাখিল কৰিছে। উল্লেখযোগ্য যে ২০১২ চনত যেতিয়া নৱাজুদ্দিন মুম্বাইত আছিল, সেই সময়ছোৱাত পত্নী আলিয়া সন্তানৰ সৈতে উত্তৰ প্ৰদেশত শহুৰৰ ঘৰত আছিল। সেই সময়ছোৱাত শহুৰ পৰিয়ালে আলিয়াৰ ওপৰত অত্যাচাৰ চলাইছিল বুলিও মন্তব্য কৰে আলিয়াই। কেৱল সেয়াই নহয়, নৱাজুদ্দিনৰ ভাতৃ মিনাজউদ্দিনে ৯ বছৰীয়া আলিয়াৰ কন্যাক যৌন নির্যাতন চলাইছিল। কিন্তু ইমানৰ পাছতো নৱাজুদ্দিন ছিদ্দীকীয়ে আলিয়াক সমর্থন নকৰি পৰিয়ালৰ পক্ষ লয়। উপায়হীন হৈ আলিয়াই মুম্বাই আৰক্ষী থানাত নৱাজুদ্দিন আৰু তেওঁৰ পৰিয়ালৰ বিৰুদ্ধে FIR দাখিল কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
