অসম লাইভ ২৪ঃ
বিনোদনঃ বলিউড অভিনেতা আশীষ বিদ্যাৰ্থীয়ে বৃহস্পতিবাৰে তেওঁৰ জীৱনৰ এক নতুন অধ্যায় আৰম্ভ কৰে। অভিনেতাজনে দ্বিতীয়বাৰৰ বাবে অসমীয়া পোছাক পৰিধান কৰি অসমৰ জীয়ৰী ৰূপালী বৰুৱাৰ সৈতে বিবাহপাশত আৱদ্ধ হয়। অৱশ্যে, অভিনেতাজন পূৰ্বৰ পত্নী ৰাজশী বিদ্যাৰ্থীৰ সৈতে বিগত ২২ বছৰ ধৰি বিবাহ পাশত আৱদ্ধ হৈ আছিল। তেওঁৰ প্ৰথমা পত্নীৰ লগত বিবাহ বিচ্ছেদৰ পিছত পুনৰ দ্বিতীয় বিবাহৰ বাতৰি ৰাজহুৱা হয়। তাৰ পিছৰে পৰা পুনৰ বিবাহৰ বাতৰিটোক লৈ যথেষ্ট বিতৰ্ক আৰু অপবাদ দেখা গৈছে। অভিনেতাজনে অৱশেষত মানুহৰ তাচ্ছিল্যৰ সঁহাৰি ভিডিঅ’ যোগে দিছিল।
উল্লেখ্য যে, ২৬ মে’ৰ নিশা এক ফেচবুক লাইভযোগে অভিনেতাগৰাকীয়ে তেওঁৰ প্ৰাক্তন পত্নী ৰাজশী ওৰফে পিলু বিদ্যাৰ্থীৰ লগতে তেওঁৰ বৰ্তমানৰ পত্নী ৰূপালী বৰুৱাৰ বিষয়ে কথা পাতিছিল। তেওঁলোকৰ ২২ বছৰীয়া বৈবাহিক সম্পৰ্কত কিছু ফাট মেলিছিল আৰু তেওঁলোকে একেলগে জীৱন বাটত আগবাঢ়ি যোৱাটো ক্ৰমান্বয়ে কঠিন হৈ পৰিছিল। বিদ্যাৰ্থীয়ে তেওঁৰ দ্বিতীয় পত্নী ৰূপালী বৰুৱাক বিয়া কৰোৱাৰ সিদ্ধান্তৰ বিষয়েও মুকলিকৈ কয়।
দীৰ্ঘদিনৰ পিছত পুনৰ বিয়া পতাৰ সিদ্ধান্ত লোৱাৰ বাবে তেওঁ সন্মুখীন হোৱা সমালোচনাৰ বিষয়ে সোধাত অভিনেতাজনে কয়, “মোৰ বয়স ৫৭ বছৰ, তেওঁৰ বয়স ৫০ বছৰ। সন্মানৰ সৈতে সম্পৰ্কটোত আগবাঢ়ি যোৱাটো হ’ব বুদ্ধিমানৰ কাম। ”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
