অসম লাইভ ২৪ঃ দলিত যুৱতীৰ গণধর্ষণ আৰু মৃত্যুৰ ঘটনাক কেন্দ্ৰ কৰি অগ্নিগর্ভা হাথৰছ। উত্তৰ প্ৰদেশ আন্দোলিত। সমগ্ৰ দেশ প্ৰতিবাদমুখৰ। আৰক্ষী-প্ৰশাসনৰ ভূমিকাক লৈ প্ৰবল প্ৰতিবাদ। এই ঘটনা আছিল ভয়ংকৰ-মর্মান্তিক। ঘটনাৰ চাঞ্চল্য মাৰ নৌযাওঁতে পুনৰ হাথৰছ কঁপি উঠিল আন এক ভয়ংকৰ ঘটনাত। এইবাৰ হাথৰছত ৪ বছৰীয়া শিশুৰ ধর্ষণ। ধর্ষিতা হৈছে আত্মীয়ৰ হাতত। ধর্ষণ আৰু অত্যাচাৰৰ ফলত মৃত্যু হয় ৪ বছৰীয়া শিশুটি। সম্পর্কীয় এক ককায়েকৰ যৌন নির্যাতনৰ বলি হ’ল শিশুটি। শিশুটিক আলিগড়ৰ মাহীয়েকৰ ঘৰত ৰখা হৈছিল। মাহীয়েকৰ ১৫ বছৰীয়া পুত্ৰ মাছটুটুৱে অত্যাচাৰ কৰিছিল শিশুটিক। শিশুটিক এটা স্বেচ্ছাসেৱী সংস্থাই সেই খবৰ লাভ কৰি আৰক্ষীৰ সহযোগত শিশুটিক উদ্ধাৰ কৰি হাস্পতালত ভর্তি কৰায়। পৰৱর্তী সময়ত দিল্লীৰ ছফদৰজং হাস্পতাললৈ প্ৰেৰণ কৰা হয় শিশুটিক। কিন্তু শিশুটিৰ প্ৰাণ ৰক্ষা কৰিব পৰা নাযায়। অভিযুক্তক ইতিমধ্যে আৰক্ষীয়ে গ্ৰেপ্তাৰ কৰিছে। জেৰাত অপৰাধৰ কথা স্বীকাৰো কৰিছে অভিযুক্তই। আৰক্ষীয়ে জনাইছে অভিযুক্তৰ মাতৃও ঘটনাত জড়িত। মাহীয়েকক গ্ৰেপ্তাৰ কৰাৰ দাবীত প্ৰতিবাদ সাব্যস্ত পৰিয়ালৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
