দৃশ্য দেখিলে শিয়ৰি উঠিব আপুনিও! চালানৰ ভয়ত দুজনকৈ ট্ৰেফিক আৰক্ষীক বহুদূৰ চোচৰাই নিলে বাহনে
সামাজিক মাধ্যমত ভাইৰেল হৈ পৰিছে এটা শিহৰণকাৰী দৃশ্য। দুজনকৈ ট্ৰেফিক আৰক্ষীক চোচৰাই নিলে এখন বাহনে। যি দৃশ্য এতিয়া সামাজিক মাধ্যমত দ্ৰুত গতিত বিয়পি পৰিছে।
ঘটনা সন্দৰ্ভত জানিব পৰা অনুসৰি শনিবাৰে সন্ধিয়া প্ৰায় ৭.৩০ মান বজাত ৰাজধানী দিল্লীৰ বেৰ চৰায়ৰ এই ঘটনা। সেই বেৰ চৰায়ৰ ৰোডত মাৰ্কেটৰ কাষত দুই ট্ৰেফিক আৰক্ষীয়ে ট্ৰেফিক নিয়ম নমনা বাহনৰ চালান কাটি আছিল।
সেই সময়তে এখন চাৰিচকীয়া বাহনক দুই ট্ৰেফিক আৰক্ষীয়ে ৰখিবলৈ নিৰ্দেশ দিয়ে। সেই নিৰ্দেশ অনুসৰি বাহন খন ৰখেও। পাথে যেই দুই আৰক্ষী বাহনখনৰ কাষ চাপি লগে লগে বাহন খনে দুয়ো আৰক্ষীকে খুন্দিয়াই তাৰ পৰা পলায়নৰ চেষ্টা চলায়।
এই লিংকত ক্লিক কৰি ভিডিঅ’টো চাব পাৰিব- https://x.com/ndtvindia/status/1852992252337099094
কিন্তু দুয়ো আৰক্ষীয়ে অকনো সময় নেখেদাই লগে লগে বাহন খনৰ সমুখত ধৰি দিয়ে। বাহন খনে কিন্তু তথাপি সেই স্থানত নৰখি তেনেদৰেই দুয়ো আৰক্ষীকে চোচৰাই লৈ যায়।
তেনেদৰে প্ৰায় ২০ মিটাৰ মান বাট দুয়ো আৰক্ষীয়ে চোচৰাই নিয়ে বাহন চালকে। যাৰ ফলত বেয়াকৈ আঘাত পায় আৰক্ষী। বৰ্তমানে দুয়ো আৰক্ষীতে চফদৰ্জংগ হাস্পতালত ভৰ্তি কৰোৱা হৈছে।
বাহনখনৰ সন্দৰ্ভত তথ্য জানিব পৰা অনুসৰি বাহনখন বসন্ত কুঞ্জৰ জয় ভগৱানৰ নামত ৰেজিষ্টাৰ আছিল বুলি জানিব পৰা গৈছে। পাছে বৰ্তমানলৈ কাকো আটক কৰিব পৰা হোৱা নাই। আৰক্ষীয়ে অধিক অনুসন্ধান অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
