আমেৰিকাৰ 9/11ৰ দৰে শিহৰণকাৰী আক্ৰমণ ৰাছিয়াৰ ৩৮ মহলীয়া অট্টালিকাত, চাৰিওফালে কেৱল ধোঁৱা আৰু ধোঁৱা
ৰাছিয়া-ইউক্ৰেইনৰ যুদ্ধ অধিক ভয়ংকৰ হৈ পৰিছে। কিছুদিনৰ আগলৈকে ইউক্ৰেইন ৰাছিয়াৰ সন্মুখত সৰু হৈ আছিল যদিও এতিয়া ইউক্ৰেইনে সন্মুখৰ পৰা অধিক শক্তিৰে আক্ৰমণ কৰিবলৈ ধৰিছে। ইউক্ৰেইনে প্ৰথমে ৰাছিয়াৰ মাটি দখল কৰি নিজৰ সীমাৰ ভিতৰত লয়।
এতিয়া জেলেনস্কিৰ ইউক্ৰেইন সেনাই পুটিনক গভীৰ ভাৱে আক্ৰমণ কৰিবলৈ ধৰিছে। ইউক্ৰেইনে ৰাছিয়াত ব্যাপক আক্ৰমণ চলাইছে। ৰাছিয়াৰ ছাৰাটভ চহৰৰ সৰ্ববৃহৎ অট্টালিকাটোত ড্ৰ’নেৰে আক্ৰমণ কৰিছে ইউক্ৰেইনৰ সেনাই। এই আক্ৰমণৰ পিছত ৰাছিয়াৰ ওখ অট্টালিকাটো সম্পূৰ্ণৰূপে ধ্বংস হৈ পৰে।
ৰাছিয়াৰ ওপৰত ইউক্ৰেইনৰ সেনাৰ এই আক্ৰমণে আমেৰিকাৰ ৯/১১ৰ আক্ৰমণলৈ মনত পেলাই দিছে সকলো লোককে। ছাৰাটভৰ আৱাসিক এলেকাত থকা এই ৩৮ মহলীয়া অট্টালিকাত ড্ৰোনেৰে আক্ৰমণ ইউক্ৰেইনৰ। কোৱা হৈছে যে ইউক্ৰেইনৰ লক্ষ্য আছিল ৰাছিয়াৰ এংগেলছ এয়াৰবেছ।
কিন্তু তাৰ ১২ কিলোমিটাৰ আগতেই ইউক্ৰেইনৰ ড্ৰ’নে চাৰাটভৰ এটা অট্টালিকাৰ সৈতে সংঘৰ্ষত লিপ্ত হয়। ইয়াৰ পিছত এক বৃহৎ বিস্ফোৰণ ঘটে আৰু অট্টালিকাটো সম্পূৰ্ণৰূপে ধোঁৱাই আগুৰি ধৰে। এই আক্ৰমণত ৰাছিয়াৰ ক্ষতিৰ পৰিসৰ এতিয়াও জানিব পৰা হোৱা নাই। এতিয়া ৰাছিয়াই এই আক্ৰমণৰ প্ৰত্যুত্তৰ হিচাপে ইউক্ৰেইনৰ ওপৰত আক্ৰমণ কৰে নে নাই সেয়াহে লক্ষ্যনীয় হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
