আজি ৩ বজাত ৰিঙত নামিব লাভলীনা, জয় হ’ব পাৰিলেই পদক নিশ্চিত, পদকৰ আশা লক্ষ্য সেনৰো
আজি পেৰিছ অলিম্পিকত দৃষ্টি নিবদ্ধ থাকিব ভাৰতবাসীৰ লগতে অসমবাসীৰ। কিয়নো আজি বিয়লি ৩.০২ বজাত ৰিঙত নামিব অসমৰ কন্যা লাভলীনা। আজিৰ খেল খনত জয়ী হব পাৰিলেও একপ্ৰকাৰৰ সোণ অথবা ৰূপ নিশ্চিত লাভলীনাৰ।
আনহতে আজি বিশেষ খেল হৈ পৰিছে লক্ষ্য সেনৰ বাবেও। পুৰুষৰ ছেমি ফাইনেলৰ খেল আছে লক্ষ্যৰ। বিয়লি ৩.৩০ বজাত পুৰুষ বেডমিণ্টনৰ ছেমি ফাইনেলৰ যুঁজত নামিব লক্ষ্য । ভিক্টৰ এক্সেলছনৰ বিৰুদ্ধে জয়ী হব পাৰিবলেই ফাইনেল আৰু সোণ অথবা ৰূপ নিশ্চিত হৈ পৰিব। যি ভাৰতীয় পুৰুষৰ বেডমিণ্টৰ ক্ষেত্ৰত হব এক ইতিহাস। ইতিমধ্যে ছেমি ফাইনেলত প্ৰৱেশ কৰি প্ৰথমগৰাকী ভাৰতীয় পুৰুষ হিচাপে পৰিগণিত হৈছে লক্ষ্য।
আজি অসম কন্যা লাভলীনাৰ বাবে এক ডাঙৰ প্ৰত্যাহ্বানমূলক খেল। মহিলাৰ ৭৫ কেজি কোৱাৰ্টাৰ ফাইনেলত চীনৰ প্ৰতিদ্বন্দী লি কিয়ানৰ বিৰুদ্ধে ৰিঙত নামিব। শীৰ্ষ বাছনিৰ লি কিয়ান লভলিনাৰ বাবে কঠিন প্ৰতিদ্বন্দ্বী।
ভাৰতীয় বক্সাৰগৰাকীয়ে এছিয়ান গেমছৰ ফাইনেলত আৰু শেহতীয়াকৈ জুন মাহত চেকিয়া গ্ৰেণ্ড প্ৰিক্সত লি কিয়ানৰ হাতত পৰাস্ত হৈছিল। কিন্তু যোৱা বছৰ নতুন দিল্লীত অনুষ্ঠিত হোৱা বিশ্ব চেম্পিয়নশ্বিপৰ ছেমিফাইনেলত লভলিনাই লি কিয়ানক পৰাস্ত কৰিছিল। সেয়ে আজিৰ খেল খনলৈ অধীৰ আগ্ৰহেৰে বাট চাইছে সকলোৱে। দুয়ো পক্ষ সমানে শক্তিশালি।
যদি অসমৰ লাভলীনা আজি জয়ী হয়, তেন্তে টকিঅ’ অলিম্পিকৰ দৰে এইবাৰো পদক লাভ কৰিব। লগতে ইতিহাস ৰচিব প্ৰথম দুবাৰেই অলিম্পিকত অংশ লৈ পদক লাভ কৰা। ভাৰতৰ লগতে অসমৰ বাবেও হব এক ইতিহাস। প্ৰথম গৰাকী মহিলা হিচাপে বক্সিঙত লাভ কৰিব দ্বিতীয়টো অলিম্পিক পদক। এতিয়া কেৱল আশা ৩.০২ বজাৰ খেললৈ।
আজি ৪ আগষ্ট, দেওবাৰৰ ভাৰতৰ খেলৰ সূচী-
১২:৩০ বজাত: শ্বুটিং – পুৰুষৰ ২৫ মিটাৰ ৰেপিড ফায়াৰ পিষ্টলৰ অৰ্হতাত বিজয়বীৰ সিদ্ধু আৰু অনিশ ভানৱালা।
১ বজাত: শ্বুটিং – মহিলাৰ স্কীট অৰ্হতাত মহেশ্বৰী চৌহান আৰু ৰাইজা উইলছন
১:৩০ বজাতঃ হকী – পুৰুষৰ কোৱাৰ্টাৰ ফাইনেলত ভাৰত বনাম গ্ৰেট ব্রিটেইন।
১:৩৫ বজাত: এথলেটিকছ – পাৰুল চৌধুৰী, মহিলাৰ ৩০০০ মিটাৰ ষ্টীপলচেজ ৰাউণ্ড ১ ।
২:৩০ বজাত: এথলেটিকছ – পুৰুষৰ লং জাম্পৰ অৰ্হতাত জেছুইন এলড্ৰিন।
৩:০২ বজাত: বক্সিং – মহিলাৰ ৭৫ কেজি কোৱাৰ্টাৰ ফাইনেলত লাভলীনা বৰগোঁহাই বনাম চীনৰ লি কিয়ান।
৩:৩০ বজাত: পুৰুষৰ বেডমিণ্টন একক ছেমিফাইনেল – লক্ষ্য সেন বনাম ভিক্টৰ এক্সেলছন।
৩:৩৫ বজাত: Sailing (নাওখেল) – পুৰুষৰ ডিংগি দৌৰ ৭ আৰু ৮ত বিষ্ণু সৰ্বানন।
৬:০৫ বজাত: Sailing (নাওখেল) – মহিলাৰ ডিংগি দৌৰ ৭ আৰু ৮ত নেথ্ৰা কুমানন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
