ভাৰতীয় ক্ৰিকেটৰ জয়জয়কাৰ, এদিনতে একেলগে পৰাস্ত কৰিলে পাকিস্তান-বাংলাদেশক
ভাৰতীয় ক্ৰিকেট প্ৰেমীৰ বাবে ছুপাৰ দেওবাৰ আছিল কালিৰ দিনটো। কালি ৬ অক্টোবৰৰ দিনটো ভাৰতীয় ক্ৰিকেটৰ বাবে অতিকে ভাল দিন আছিল। এফালে চিৰবৈৰী পাকিস্তান পৰাস্ত আনহাতে বাংলাদেশ পৰাস্ত। এটা দিনতে একেলগে ভাৰতীয় ক্ৰিকেটৰ হাতত ধাৰাশায়ী পাকিস্তান-বাংলাদেশ।
এফালে মহিলা বিশ্বকাপত ভাৰতীয় মহিলা দলে পৰাস্ত কৰে পাকিস্তানক, আনহাতে ঘৰুৱা টি-২০ শৃংখলাত ভাৰতীয় পুৰুষ দলে পৰাস্ত কৰে বাংলাদেশৰ দলক। পুৰুষ-মহিলা দুয়ো দলে নিজৰ উজ্জল প্ৰদৰ্শন কৰি দৰ্শনীয় ৰূপত জয়লাভ কৰে।
মহিলা বিশ্বকাপৰ খেলৰ প্ৰথমখন খেলত ভাৰতীয় মহিলাদল পৰাস্ত হলেও কালি বিয়লি ৩.৩০ বজাৰ পৰা আৰম্ভ হোৱা দ্বিতীয়খন খেলত ৬ উইকেটত পাকিস্তানৰ বিৰুদ্ধে জয়লাভ কৰে। পাকিস্তান দলে ৮ উইকেট হেৰুৱাই ২০ অভাৰত ১০৫ ৰান কৰে, সেই লক্ষ্য ভাৰতে ১৯ অভাৰতে পাৰ কৰি জয়লাভ কৰে।
আনহাতে সন্ধিয়া ভাৰত-বাংলাদেশৰ তিনিখনীয়া শৃখংলাৰ প্ৰথমখন খেলত ৭ উইকেটত ভাৰতে জয়লাভ কৰে। বাংলাদেশে কেউটা উইকেট হেৰুৱাই মাত্ৰ ১২৭ ৰান কৰি ১২৮ ৰানৰ লক্ষ্য দিয়ে ভাৰতক। ভাৰতীয় দলে কেৱল ১১.৫ অভাৰতে ৩ টা উইকেট হেৰৱাই ১২৮ ৰ লক্ষ্য ভেদি বিজয় সাব্যস্ত কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
