বৃহস্পতিবাৰ ৩ অক্টোবৰ৷ আজি চন্দ্ৰই কন্যা ৰাশি এৰি তুলা ৰাশিত প্ৰৱেশ কৰিব৷ এই সময়ত সূৰ্যই কন্যা ৰাশিত অৱস্থান কৰি আছে৷ আজি আহিন মাহৰ শুক্লা প্ৰতিপদ তিথিও৷ আজিৰ পৰাই আৰম্ভ হৈছে দেৱীপক্ষ৷ শাৰদীয় নৱৰাত্ৰিৰ প্ৰথন দিনা আজি পূজা কৰা হ’ব দেৱী শৈলপুত্ৰীৰ৷ এই তিথিত ইন্দ্ৰ যোগ আৰু বৈধৃতি যোগৰ প্ৰভাৱ আছে৷ ইয়াৰোপৰি আজি বিয়লি ৩ বাজি ৩২ মিনিটলৈকে থাকিব হস্তা নক্ষত্ৰ আৰু তাৰপাছতেই চিত্ৰা নক্ষত্ৰ৷ আজি ৬ বাজি ১৫ মিনিটৰ সূৰ্যোদয় হোৱাৰ বিপৰীতে সন্ধিয়া ৬ বাজি ৪ মিনিটত সুৰ্যাস্ত হ’ব৷ হিন্দুধৰ্ম অনুসৰি বৃহস্পতিবাৰ হৈছে শ্ৰীবিষ্ণুৰ প্ৰিয় দিন৷ এই সকলো শুভ যোগৰ প্ৰভাৱত আজিৰ দিনটো কেইটামান ৰাশিৰ জাতকৰ বাবে খুব সুন্দৰ হ’ব৷ অৱশ্যে কেইটামান ৰাশিৰ জাতক সমস্যাতো পৰিব৷ আজি নাৰায়ণৰ কৃপাত কোন কোন ৰাশিৰ সময় ভাল, কোনে কোনে সাৱধানে থাকিব? জানি থওক দিনটোৰ আৰম্ভণিতেই৷
মেষ ৰাশি
মেষ ৰাশিৰ জাতকে ব্যৱসায়ত কাৰো ওপৰত বিশ্বাস নকৰিব, বিশ্বাস কৰিলেই লোকচান হ’ব পাৰে৷ আজি কৰোবাত যাত্ৰা কৰিলে লাভবান হ’ব৷ পৰিয়ালৰ সদস্যসকলক কোনো প্ৰতিশ্ৰুতি নিদিব৷ আপুনি যাক সহায় কৰাৰ চেষ্টা কৰিছে তেঁৱেই আপোনাৰ ক্ষতি কৰাৰ চেষ্টা কৰিব পাৰে৷ ছাত্ৰ-ছাত্ৰীসকলে একাগ্ৰ হৈ পঢ়াশুনা কৰিলে সফলতা লাভ কৰিব৷
বৃষ ৰাশি
বৃষ ৰাশিৰ জাতকে ব্যৱসায়ত সাফল্য অৰ্জন কৰিব৷ চাকৰিয়ালে কোনো নতুন কাম আৰম্ভ কৰিব পাৰে৷ পাৰিবাৰিক দায়িত্ব বাঢ়িব পাৰে৷ ডাঙৰৰ পৰামৰ্শ মানি চলক৷ পাৰিবাৰিক ব্যৱসায়ত ভায়েক ভনীয়েকৰ সহযোগিতা লাভ কৰিব৷ প্ৰেম জীৱন আনন্দৰ হ’ব৷
মিথুন ৰাশি
মিথুন ৰাশিৰ জাতকে কঠিন পৰিস্থিতিৰ মোকাবিলা কৰিব লগা হ’ব পাৰে৷ নিজকে দুৰ্বল নাভাৱিব৷ চাকৰিয়ালে নতুন দায়িত্ব পাব পাৰে৷ ইয়াৰ দ্বাৰা ভৱিষ্যতে লাভ হ’ব৷ ব্যৱসায়ীসকলৰ কামৰ দায়িত্ব লাভ কৰিব৷ কোনো পুৰণি বন্ধুৰ সৈতে সাক্ষাৎ কৰিব পাৰে৷
কৰ্কট ৰাশি
কৰ্কট ৰাশিৰ জাতকৰ আজিৰ দিনটো ব্যস্ততাৰে পাৰ হ’ব৷ আজি আপোনাৰ স্বাস্থ্য বেয়া হ’ব পাৰে সতৰ্ক থাকক৷ আৱেগত ভাহি কোনো ভুল সিদ্ধান্ত লৈ নেপেলাব৷ পৰবৰ্তীকালত এই কামে আপোনাৰ সমস্যাৰ কাৰণ হৈ উঠিব৷ কোনো কাম কৰাৰ পূৰ্বে ভালধৰণে চিন্তাভাৱনা কৰক৷
সিংহ ৰাশি
সিংহ ৰাশিৰ জাতকে কৰ্মক্ষেত্ৰত সজাগ আৰু সতৰ্ক হৈ থাকক৷ আশেপাশে কি হৈছে সেই বিষয়ে সজাগ হৈ থাকক৷ ব্যৱসায়িক প্ৰতিদ্বন্দীয়ে আপোনাৰ বিৰুদ্ধে ষড়যন্ত্ৰ কৰিব পাৰে৷ ৰাজনীতিৰ ক্ষেত্ৰত দায়িত্ব বাঢ়িব৷ অৰ্থ ব্যয় হ’ব৷ সন্ধিয়াবেলা আত্মীয়ৰ সৈতে কোনো স্থানলৈ ফুৰিবলৈ যাব পাৰে৷
কন্যা ৰাশি
কন্যা ৰাশিৰ জাতকে কৰ্মক্ষেত্ৰত কিছু পৰিবৰ্তন নিজেই অনুভৱ কৰিব৷ ইয়াৰপৰা অৱশ্যে আপোনাৰ লাভ হ’ব৷ ব্যৱসায়ত মুনাফা অৰ্জন কৰিব৷ কোনোৱে প্ৰেম নিবেদন কৰিলে পৰিস্থিতি চাইহে সিদ্ধান্ত গ্ৰহণ কৰিব৷ এইয়া নকৰিলে এই সম্পৰ্ক ভৱিষ্যতে আপোনাৰ সমস্যাৰ কাৰণ হৈ উঠিব৷ সন্ধিয়াবেলা শুভ অনুষ্ঠানত অংশ ল’ব পাৰে৷
তুলা ৰাশি
তুলা ৰাশিৰ জাতকে আজি বন্ধু বা ব্যৱসায়িক বিশেষজ্ঞৰ পৰামৰ্শ ল’ব পাৰে৷ অভিজ্ঞ ব্যক্তিৰ পৰামৰ্শ গ্ৰহণ কৰক৷ নিজৰ কথাত নিয়ন্ত্ৰণ ৰাখক৷ তেতিয়াহে কামত সফলতা আহিব৷
বৃশ্চিক ৰাশি
বৃশ্চিক ৰাশিৰ জাতকে আজি অধিক পৰিশ্ৰম কৰিব লগা হ’ব পাৰে৷ নতুন চাকৰিৰ সন্ধানত থাকিলে আপুনি সফল হ’ব৷ নতুন ব্যৱসায় আৰম্ভ কৰাৰ ক্ষেত্ৰত অন্যৰ সহায় পাব৷ ছাত্ৰ-ছাত্ৰীসকলে নতুন বিষয়ে চিন্তাভাৱনা কৰিব৷ পাৰিবাৰিক সংঘাত হ’ব পাৰে৷
ধনু ৰাশি
ধনু ৰাশিৰ জাতক সতৰ্ক থাকক৷ আলস্য ত্যাগ কৰি চাকৰি আৰু ব্যৱসায় কৰিলে সমস্ত কাম ভালধৰণে আগবাঢ়িব৷ সময় মানি কাম কৰক৷ অন্যথা দৰকাৰী কাম ৰৈ যাব পাৰে৷ ব্যৱসায়ত নতুন কিছু কাম কৰাৰ চিন্তা কৰিলে এয়াই উপযুক্ত সময়৷ ভাগ্যৰ পূৰ্ণ সহযোগিতা লাভ কৰিব৷ শহুৰৰ ঘৰৰ পৰা ধনসম্পত্তি পাব পাৰে৷
মকৰ ৰাশি
মকৰ ৰাশিৰ জাতকে আইনী বিবাদত জড়িত হৈ পৰিব পাৰে৷ এই আইনী খেলিমেলি দূৰ কৰাৰ চেষ্টা কৰক৷ অন্যথা ভৱিষ্যতে বিপদ আহিব৷ কোনো মনোকামনা পূৰণ হ’লে আগবঢ়াই থোৱা সামগ্ৰী দান কৰক৷ আৰ্থিক উন্নতিৰ চেষ্টা আজি ফলদায়ক হ’ব৷
কুম্ভ ৰাশি
কুম্ভ ৰাশিৰ চাকৰিয়াল জাতকে কাৰ্যায়লত উচ্চপদ লাভ কৰিব৷ ব্যৱসায় বৃদ্ধি হ’ব৷ আৰ্থিক উন্নতিৰ ভাল সুযোগ পাব৷ এই সুযোগক অৱহেলা নকৰিব৷ কুম্ভ ৰাশিৰ জাতকৰ অৰ্থাভাৱ আজি দূৰ হ’ব৷ কেৰিয়াৰত আজি বৃহৎ সাফল্য পাব পাৰে৷
মীন ৰাশি
মীন ৰাশিৰ জাতকে কোনো অনুষ্ঠানত বিশেষ অতিথি হিচাপে আমন্ত্ৰিত কৰা হ’ব পাৰে৷ আজি সমাজত আপোনাৰ মান সন্মান বাঢ়িব৷ ব্যৱসায়ীসকলৰ বাবে আজিৰ দিনটো অনুকূল৷ ব্যৱসায়ত ৰৈ থকা কাম সম্পন্ন কৰাৰ বাবে শুভ দিন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
