গুৱাহাটীৰ চূণচালিৰ শোকাৱহ ঘটনা, কালিৰ দুই কিশোৰৰ পাছত আজি তৃতিয়জনো উদ্ধাৰ ব্ৰহ্মপুত্ৰৰ বুকুৰ পৰা
মহানগৰীৰ চূণচালিত কালি সংঘটিত হৈছিল এক অতিকে শোকাৱহ ঘটনা। ব্ৰহ্মপুত্ৰৰ বুকুত সলিল সমাধি ঘটিছিল তিনিজনকৈ কিশোৰৰ। ব্ৰহ্মপুত্ৰত গা ধুবলৈ গৈ সন্ধানহীন হৈছিল কিশোৰ ৩জন।
সেই তিনি কিশোৰৰে দুজনৰ নিথৰ মৃতদেহ কালিতেই উদ্ধাৰ হোৱাৰ বিপৰীতে এজনৰ মৃতদেহ আজিহে উদ্ধাৰ হয়। বহু বিচাৰ খোচাৰৰ অন্তত ভৰা লুইতৰ বুকুৰ পৰা উদ্ধাৰ হয় কিশোৰটিৰ মৃতেদেহ।
ঘটনা সন্দৰ্ভত পৰিয়ালৰ লোকে নুনমাটি থানাত খবৰ দিয়াৰপিছতেই ঘটনাস্থলীত আৰক্ষী উপস্থিত হৈ কালিতেই তদন্ত আৰম্ভ কৰিছিল আৰক্ষীয়ে । এছডিআৰএফ বাহিনীৰ অভিযানত কালিতেই ২জনৰ মৃতদেহ উদ্ধাৰ কৰিছিল।
কালিতেই উদ্ধাৰ হৈছিল দেৱজিত ভূঞা আৰু কুকিল কলিতা নামৰ দুই কিশোৰৰ মৃতদেহ। আনহাতে আজি সন্ধান ওলাই তৃতিয় কিশোৰ ৰাহুল দাসৰ।
জানিবপৰা মতে ব্রহ্মপুত্রত গা ধুবলৈ গৈছিল দেৱজিত ভূঞা(১৭), ৰাহুল দাস(২২), কুকিল কলিতা(১৭) নামৰ কিশোৰ ৩জন। তিনিওজন কিশোৰৰে ঘৰ চান্দমাৰী অমিয়নগৰত।
আনহাতে বৰষুণৰ পিছত হোৰহোৰাই বাঢ়িছে লুইতৰ জলপৃষ্ঠ। গুৱাহাটী-উত্তৰ গুৱাহাটীৰ মাজৰ ফেৰী সেৱা ব্যাহত হৈ পৰিছে। লুইতৰ জলপৃষ্ঠ বৃদ্ধি হৈ ঘাট সমূহ পানীত বুৰ গৈছে।
ফলত চলাচল কৰিব পৰা নাই ফেৰী। ফেৰী ঘাটৰ জেঠি তৎকালীনভাবে স্থানান্তৰ হ’লেহে চলিব ফেৰী সমূহ। ফেৰী ঘাটত এতিয়ালৈ উপস্থিত হোৱা নাই জলপৰিবহণ কৰ্মচাৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
