হাড়ক শক্তিশালী কৰাৰ পৰা আৰম্ভ কৰি ইমিউনিটি বৃদ্ধি কৰিবলৈ সহায় কৰে ভিটামিন-ডিয়ে৷ আনকি মানসিক স্বাস্থ্য ভালে ৰাখিবলৈ ভিটামিন ডি অপৰিহাৰ্য৷ অথচ, এই পুষ্টিৰ ঘাটিক লৈ বহুতেই সচেতন নহয়৷ ঘনে ঘনে চৰ্দি কাঁহত ভোগা, হাড়ৰ বিষ আদিয়েই শৰীৰত ভিটামিন-ডি কমাৰ লক্ষণ৷
সাধাৰণতে ভিটামিন ডিৰ অভাৱ হ’লে চাপ্লিমেণ্ট খাব লাগে৷ কিন্তু যদি সেয়া বিপদসীমাৰ ওচৰত থাকে তেন্তে চিকিৎসকৰ পৰামৰ্শ লোৱাটো খুবেই জৰুৰী৷ চিকিৎসকৰ পৰামৰ্শৰ ওপৰিও ৫ধৰণৰ খাদ্য আছে যাৰ পৰা ভিটামিন ডি পোৱা যায়৷
মাছঃ নিয়মিত মাছ খালে দেহত ভিটামিন ডিৰ ঘাটি সহজেই দূৰ হয়৷ চেষ্টা কৰক সামুদ্ৰিক মাছ খাওক৷ ইয়াৰ পৰা দেহত ভিটামিন ডিৰ ঘাটি পূৰণৰ ওপৰিও আৰু বহু উপকাৰীতা পাব৷
কণীঃ কণীতো ভিটামিন ডি পোৱা যায়৷ দৈনিক এটাকৈ কণী বইল কৰি খালে দেহত ভিটামিন ডিৰ ঘাটি পূৰণ হয়৷ কলষ্টেৰল থাকিলে কণীৰ বগা অংশটোহে খাব৷ কুহুম এৰাই চলক৷
মাছৰুমঃ মাছৰুমত ভিটামিন ডি পোৱা যায়৷ বহুতেই মাছৰুম খাবলৈ পছন্দ নকৰে৷ কিন্তু দেহত ভিটামিন ডিৰ ঘাটি পূৰণত মাছৰুম অনন্য উপাদান৷
চয়াবিনঃ বহুতেই ঘৰত চয়াবিন খায়৷ চয়াবিনতো যথেষ্ট পৰিমাণে ভিটামিন ডি পোৱা যায়৷
ওটছঃ পুৱা দৈনিক মাখন, পাউৰুটি খোৱাৰ সলনি ওটছ খোৱা আৰম্ভ কৰক৷ ওটছ খালে দেহত ভিটামিন ডিৰ ঘাটি পূৰণ হয়৷ ইয়াৰোপৰি দেহত ৰক্ত শৰ্কৰাৰ মাত্ৰা, কোলোষ্টেৰলৰ মাত্ৰাও নিয়ন্ত্ৰণত থাকে৷ কোষ্ঠকাঠিন্যৰ সমস্যা থাকিলে মুক্তি পোৱা যায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
