হঠাতে এগৰাকী যুৱতীয়ে এজন ৬৩ বছৰীয়া বৃদ্ধলৈ ফোন কৰিলে৷ ফোনত যুৱতীগৰাকীয়ে ক’লে যে তেওঁ এটা ডেটিং সংস্থাৰ প্ৰতিনিধি৷ বৃদ্ধগৰাকীৰ নাম হ’ল অৰুণ কুমাৰ৷ চণ্ডীগড়ৰ বাসিন্দা৷
যুৱতীগৰাকীয়ে বৃদ্ধক ক’লে, যদি উক্ত ডেটিং ৱেবচাইটটোৰ সদস্য হিচাপে ভৰ্তি হয় তেতিয়া তেওঁ ৰমণ বিলাসৰ বাবে সুন্দৰী বিদেশী ৰমণী লাভ কৰিব৷ ইমানেই নহয়, বিদেশী ৰমণীৰ সৈতে বিদেশ ভ্ৰমণৰো সুযোগ লাভ কৰিব বৃদ্ধগৰাকীয়ে৷
এই লোভৰ বশৱৰ্তী হৈ বৃদ্ধ অৰুণ কুমাৰে যুৱতীগৰাকীৰ মোহ এৰিব নোৱাৰিলে৷ এই লোভ দেখুওৱাই যুৱতীগৰাকীয়ে অৰুণ কুমাৰৰ পৰা এডেও দুডে লোটা নিয়া চেও কৈ লুটি থাকিল ধন৷
লগতে পঢ়ক নাৰীৰ সুৰাপানৰ ক্ষেত্ৰত আগুৱালে অসম, প্ৰতিবেশী অৰুণাচল প্ৰদেশ শীৰ্ষত
সুন্দৰী ৰমণীৰে বিদেশত ৰমণ বিলাসৰ লোভত বৃদ্ধ অৰুণ কুমাৰে প্ৰথমে গমেই পোৱা নাছিল তেওঁৰ পৰা কিমান ধন লুটিলে যুৱতীগৰাকীয়ে৷ যেতিয়া ইয়াৰ পৰিমাণ ২১ লাখ টকা হ’ল, তেতিয়াহে হুঁচ আহিল বৃদ্ধ আৰুণ কুমাৰৰ৷ ইয়াৰ পিছতে অৰুণ কুমাৰে আৰক্ষীৰ দ্বাৰস্থ হয়৷
আৰক্ষীয়ে ঘটনাৰ সন্দৰ্ভত তদন্ত আৰম্ভ কৰিলেও এতিয়াও ইয়াৰ শুংসূত্ৰ উলিয়াব পৰা নাই৷ ইপিনে এই কাণ্ডই প্ৰমাণ কৰিলে যে অনলাইন প্ৰৱঞ্চনা জালখন কিমান গভীৰলৈকে শিপাই আছে৷
লগতে পঢ়ক পুৰুষৰ শীঘ্ৰ পতন কেনেৰৈ ৰোধ কৰিব? গৱেষণাই কি কয় চাওক…
এই প্ৰতাৰণাৰ জালখন কেৱল ধনতেই সীমাৱদ্ধ হৈ নাথাকে, ই ব্যক্তিগত তথ্য আৰু ছবি আদি চুৰিও কৰালৈকে সম্প্ৰসাৰিত হৈ থাকিব পাৰে, যাৰ দ্বাৰা ব্লেকমেইল কৰা হয়৷ সেয়ে অনলাইন এপসমূহ ব্যৱহাৰৰ ক্ষেত্ৰত বিশেষভাৱে সতৰ্ক হোৱা উচিত৷
এই ক্ষেত্ৰত বিশেষজ্ঞসকলে কয় অপৰিচিত ডেটিং চাইটবোৰ পৰাপক্ষত সকলোৱে এৰাই চলা উচিত৷ কাৰণ এনেবোৰ চাইটত বিভিন্ন ধৰণৰ প্ৰতাৰণাৰ জাল পেলোৱা থাকে৷ যিবোৰ এপ বা চাইট এথেনটিক তথা প্ৰামাণিক অথবা জনপ্ৰিয় সেইবোৰহে ব্যৱহাৰ কৰা উচিত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
