এগৰাকী ১৭ বছৰীয়া কিশোৰীক সাত বছৰতকৈ অধিক সময় ধৰি ‘ডিজিটেল ধৰ্ষণ’ কৰাৰ অভিযোগত এগৰাকী ৮১ বছৰীয়া স্কেচ শিল্পীক আৰক্ষীয়ে গ্ৰেপ্তাৰ কৰিছে৷
সংবাদ সংস্থা পিটিআইৰ বাতৰিৰ মতে যোৱা ২০ বছৰ ধৰি বৃদ্ধগৰাকীৰ সৈতে কিশোৰীগৰাকীৰ পিতৃৰ পৰিচয় আছিল৷ সেই সূত্ৰে কিশোৰীগৰাকীৰ সৈতে বৃদ্ধি শিল্পীগৰাকী পৰিচিত আছিল৷
যোৱা ৭ বছৰ ধৰি কিশোৰী গৰাকীক ডিজিটেল ধৰ্ষণ কৰি অহা বৃদ্ধ শিল্পীগৰাকীৰ বিৰুদ্ধে এজাহাৰ দাখিল কৰিবলৈ কিশোৰীগৰাকী প্ৰথমে শংকিত হৈ আছিল৷ ইয়াৰ পিছতে সমগ্ৰ ঘটনাৰ বিষয়ে কিশোৰীগৰাকীয়ে পিতৃক অৱগত কৰে৷ পিতৃক কোৱাৰ পিছৰে কিশোৰীগৰাকীয়ে বৃদ্ধি শিল্পীগৰাকীৰ ভিডিঅ’ কলৰ ডিজিটেল ধৰ্ষণ দৃশ্যসমূহ ৰেকৰ্ডিং কৰি তথ্য প্ৰমাণ সংগ্ৰহ কৰে৷
লগতে পঢ়ক ফেট ৰিমুভেল অস্ত্ৰোপচাৰ কৰি মৃত্যু দক্ষিণৰ জনপ্ৰিয় ২১ বছৰীয়া অভিনেত্ৰীৰ
তথ্য প্ৰমাণ মজুত কৰাৰ পিছতে তাৰ ভিত্তিত কিশোৰীগৰাকীৰ পৰিয়ালে বৃদ্ধি স্কেচ শিল্পীগৰাকীৰ বিৰুদ্ধে আৰক্ষী থানাত এজাহাৰ দাখিল কৰে৷
উক্ত এজাহাৰৰ ভিত্তিতে আৰক্ষীয়ে গোচৰ ৰুজু কৰি অভিযুক্ত ৮১ বছৰীয়া বৃদ্ধ স্কেচ শিল্পীগৰাকীক গ্ৰেপ্তাৰ কৰে৷ ইতিমধ্যে আৰক্ষীয়ে বৃদ্ধ শিল্পীগৰাকীৰ বিৰুদ্ধে ভাৰতীয় দণ্ডবিধি আইনৰ ধাৰা ৩৭৬ (ধৰ্ষণ) ৩২৩ (স্বেচ্ছাই আঘাত কৰা) আৰু ৫০৬ (অপৰাধমূলক ভাবুকি প্ৰদান) ধাৰাত গোচৰ ৰুজু কৰিছে৷
লগতে পঢ়ক বৈবাহিক ধৰ্ষণ : দিল্লী উচ্চ ন্যায়ালয়ৰ ৰায়ৰ বিৰুদ্ধে উচ্চতম ন্যায়ালয়ত আবেদন দাখিল
কি এই ‘ডিজিটেল ধৰ্ষণ’?
আচলতে ডিজিটেলভাৱে সংঘটিত কোনো যৌন অপৰাধক ‘ডিজিটেল ধৰ্ষণ’ বুলি কোৱা নহয়৷ অৰ্থাৎ ইণ্টাৰনেটত কাৰোবাৰ পৰিচয় বিকৃত কৰা বা কোনো ডিজিটেল প্লেটফৰ্মৰ অপব্যৱহাৰ কৰা যোগেদি যৌন অপৰাধ কৰাকে ডিজিটেল ধৰ্ষণ বুলি কোৱা নহয়৷
কিন্তু সন্মতি অবিহনে কোনো ছোৱালী বা নাৰীৰ গোপন অংগত হাতৰ আঙুলি বা ভৰিৰ আঙুলি প্ৰৱেশ কৰোৱাই জোৰকৈ যৌন সম্পৰ্ক কৰাটোকহে ডিজিটেল ধৰ্ষণ বুলি কোৱা হয়৷
আনহাতে, ২০১২ চনৰ ডিচেম্বৰ মাহলৈকে ভাৰতত ডিজিটেল ধৰ্ষণক এক প্ৰকাৰৰ ধৰ্ষণ বুলি গণ্য কৰা হোৱা নাছিল। কিন্তু নিৰ্ভয়া দলবদ্ধ ধৰ্ষণ গোচৰৰ পিছত ভাৰতে এই যৌন অপৰাধক ‘ডিজিটেল ধৰ্ষণ’ হিচাপে শ্ৰেণীভুক্ত কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
