এগৰাকী যুৱতীলৈ মেচেজ প্ৰেৰণ কৰাৰ ‘অপৰাধ’ত এগৰাকী যুৱকক এখনত গাঁৱত দুদিন ধৰি মাৰপিট কৰাৰ লগতে উলংগ কৰি ঘূৰাই ফুৰাৰ দৰে এক ঘটনা পোহৰলৈ আহিছে৷ এই চাঞ্চল্যকৰ ঘটনা কৰ্ণাটকৰ আট্টিকেৰে গাঁৱত সংঘটিত হৈছে।
যদিও সোমবাৰে এই ঘটনা পোহৰলৈ আহিছিল, কিন্তু প্ৰকৃত ঘটনাটো এসপ্তাহ পূৰ্বে সংঘটিত হোৱা বুলি জানিব পৰা গৈছে। এজন ২০ বছৰীয়া এজন যুৱকক উলংগ কৰি ঘূৰাই ফুৰাৰ একাধিক ভিডিঅ’ সামাজিক মাধ্যমত ভাইৰেল হোৱাৰ পিছতে আৰক্ষী স্তম্ভিত হৈ পৰে। পিছত সোমবাৰে নিৰ্যাতিত যুৱকজনৰ মাতৃৰ অভিযোগৰ ভিত্তিত ঘটনাৰে জড়িত থকাৰ অভিযোগত দুজন লোকক আৰক্ষীয়ে গ্ৰেপ্তাৰ কৰে।
আৰক্ষীৰ সূত্ৰৰ অনুসৰি ভুক্তভোগী ২০ বছৰীয়া যুৱকজনৰ নাম গণেশ। যিগৰাকী যুৱতীলৈ গণেশে মেছেজ প্ৰেৰণ কৰিছিল সেই যুৱতীগৰাকীও একেখন গাঁৱৰে বাসিন্দা।
লগতে পঢ়ক কিশোৰীক ডিজিটেল ধৰ্ষণ কৰি গ্ৰেপ্তাৰ হ’ল ৮১ বছৰীয়া স্কেচ শিল্পী, কি এই ডিজিটেল ধৰ্ষণ?
ভুক্তভোগী যুৱকজনৰ মাতৃয়ে কৰা অভিযোগ অনুসৰি যোৱা বুধবাৰে সন্ধিয়া হঠাতে গাঁৱৰে এদল লোকে তেওঁলোকৰ ঘৰত প্ৰৱেশ কৰি তেওঁৰ পুত্ৰক টানি উলিয়াই লৈ যায়। দলটোৱে যুৱকজনক ক’লৈ লৈ যোৱা হৈছে বুলি মাতৃয়ে প্ৰশ্ন কৰিছিল যদিও তেওঁলোকে কোনো উত্তৰ দিয়া নাছিল৷
মাতৃগৰাকীয়ে মতে তেওঁৰ পুত্ৰক বলপূৰ্বকভাৱে লৈ যোৱা দলটোৱে ভাবুকি প্ৰদান কৰাৰ বাবেই আৰক্ষীৰ ওচৰত চাপিবলৈ শংকিত হৈছিল৷
ইফালে ভুক্তভোগী গণেশক অতি সামান্য কাৰণতে দুদিন বন্দী কৰি অকথ্য অত্যাচাৰ কৰা হয়। ইয়াৰ পিছত যোৱা শুকুৰবাৰে যুৱতীগৰাকীৰ পৰিয়ালৰ লোকে গণেশক গোটেই গাঁওখনতে উলংগ হৈ ঘূৰাই ফুৰিছিল।
লগতে পঢ়ক ৯ গৰাকী পত্নী! এগৰাকীয়েই হ’ব পাৰিব মাতৃ! কি নিয়ম কৰিলে স্বামীয়ে?
আনহাতে, আৰক্ষীয়ে ঘটনাৰ তদন্তৰ কৰি প্ৰকাশ কৰিছে যে যুৱতীগৰাকীয়ে যুৱকজনৰ লগত পূৰ্বৰে ইচ্ছামূলকভাৱে কথা আহিছে।
কিন্তু তেওঁলোকৰ মেছেজৰ বাৰ্তালাপ দেখি যুৱতীগৰাকীৰ পৰিয়ালৰ লোকে ক্ৰোধান্বিত হৈ যুৱকজনৰ ঘৰলৈ গৈ আক্ৰমণ কৰে। ইতিমধ্যে ঘটনা সন্দৰ্ভত আৰক্ষীয়ে গোচৰ ৰুজু কৰি দুজন লোকক গ্ৰেপ্তাৰ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
