কেন্দ্ৰীয় কৰ্মচাৰীসকলৰ বাবে এক ডাঙৰ খবৰে অপেক্ষা কৰি আছে৷ সংবাদ মাধ্যমত প্ৰকাশিত খবৰ মতে কেন্দ্ৰীয় চৰকাৰে ৭ম দৰমহা আয়োগৰ পিছত ৮ম দৰমহা আয়োগ বলৱৎ কৰাৰ বাবে চিন্তা চৰ্চা চলিছে৷
একাংশ ৰাষ্ট্ৰীয় সংবাদ মাধ্যমৰ মতে অতি শীঘ্ৰেই চৰকাৰী কৰ্মচাৰীৰ বাবে ৮ম দৰমহা আয়োগ কাৰ্যকৰী কৰা হ’ব পাৰে৷ যদি ৮ম দৰমহা আয়োগ কাৰ্যকৰী কৰা হয় তেনে চৰকাৰী কৰ্মচাৰীসকলৰ বেচিক দৰমহা বৃদ্ধি পাব৷
উল্লেখ্য যে বৰ্তমান ৭ম দৰমহা আয়োগৰ অধীনত কৰ্মচাৰীৰ ন্যূনতম বেচিক দৰমহা ১৮ হাজাৰ টকা আৰু সৰ্বোচ্চ বেছিক দৰমহা ৫৬,৯০০ টকা। ফিটমেণ্ট ফেক্টৰৰ ভিত্তিত পুৰণি বেচিক দৰমহাৰ পৰা সংশোধিত বেচিক দৰমহা গণনা কৰা হয়। দৰমহা আয়োগৰ প্ৰতিবেদনত ফিটমেণ্ট ফেক্টৰটোও এটা গুৰুত্বপূৰ্ণ পৰামৰ্শ।
লগতে পঢ়ক অৱশেষত চৰকাৰৰ চক্ৰব্যুহ ফালিলে বৰ্ষাশ্ৰীয়ে! উচ্চ ন্যায়ালয়ে প্ৰদান কৰিলে জামিন
৭ম দৰমহা আয়োগৰ পৰামৰ্শ অনুসৰি ফিটমেণ্ট ফেক্টৰ ২.৫৭ ধাৰ্য কৰা হৈছিল। ইয়াৰ ভিত্তিত কেন্দ্ৰীয় কৰ্মচাৰীৰ দৰমহা সংশোধন কৰি বেচিক দৰমহা ১৮,০০০ টকালৈ বৃদ্ধি কৰা হৈছিল। এতিয়া কোৱা হৈছে যে ৮ম দৰমহা আয়োগত ফিটমেণ্ট ফেক্টৰ ৩.৬৮ গুণলৈ বৃদ্ধি কৰিব পাৰে। অৰ্থাৎ কৰ্মচাৰীসকলৰ ন্যূনতম দৰমহা ১৮ হাজাৰৰ পৰা ২৬ হাজাৰলৈ বৃদ্ধি হ’ব।
এতিয়া প্ৰশ্ন হয় ৮ম দৰমহা আয়োগ কেতিয়াকৈ কাৰ্যকৰী কৰা হ’ব? এই সন্দৰ্ভত বিশেষজ্ঞসকলৰ বিভিন্ন যুক্তি দি কৈছে যে আগন্তুক লোকসভা নিৰ্বাচনৰ পূৰ্বে চৰকাৰে ইয়াক কাৰ্যকৰী কৰিব পাৰে৷
যদি ২০২৪ চনত ইয়াক কাৰ্যকৰী কৰা নহয় তেতিয়াহ’লে ২০২৬ চনৰ জানুৱাৰীত ৮ম দৰমহা আয়োগ কাৰ্যকৰী কৰাটো নিশ্চিত বুলি কোৱা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
