অসম লাইভ ২৪ঃ দূৰদর্শনৰ এখন জনপ্ৰিয় ধাৰাবাহিক আছিল ‘পৱিত্ৰ ৰিস্তা’। সুশান্ত সিং ৰাজপুত আৰু অংকিতা লৌক্ষন্দে অভিনীত এই ধাৰাবাহিকখন বহুতৰে প্ৰিয় আছিল। অচিৰেই এই ধাৰাবাহিকখনৰ দ্বিতীয় ছিজন লৈ আহি আছে নির্মাতা। পূর্বৰ দৰে অর্চনাৰ চৰিত্ৰত অভিনয় কৰিব অভিনেত্ৰী অংকিতা লৌক্ষন্দে। পিছে সুশান্ত সিং ৰাজপুতৰ মৃত্যুৰ পাছত মানৱ চৰিত্ৰত কোনে অভিনয় কৰিব তাকে লৈ কৌতুহল আছিল অনুৰাগীৰ। এতিয়া পোহৰলৈ আহিছে এটা নাম। হয়তো পৱিত্ৰ ৰিস্তা-২ত মানৱৰ চৰিত্ৰত দেখা পোৱা যাব সৰু পর্দাৰ জনপ্ৰিয় অভিনেতা শ্বাহিৰ শ্বেখক। উল্লেখযোগ্য যে এই সম্বন্ধে নির্মাতাৰ পৰা কোনো অফিচিয়েল ষ্টেটমেণ্ট অহা নাই যদিও এই খবৰে উৎফুল্লিত কৰি তুলিছে অনুৰাগীক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
