অসম লাইভ ২৪ঃ দৰঙৰ ছিপাঝাৰত বন বিভাগৰ চৰম ব্যৰ্থতা। আঠ ঘন্টা যুঁজিও ধৰিব নোৱাৰিলে আবদ্ধ হৈ থকা নাহৰফুটুকী বাঘ ৷ ভলীবলৰ নেটেৰে বন বিভাগৰ বাঘ ধৰাৰ ব্যৰ্থ চেষ্টা। ৰেঞ্জাৰ-বিষয়াক আৱদ্ধ কৰিলে উত্তেজিত গাওঁবাসীয়ে ৷
ছিপাঝাৰৰ শ’লপাম গাৱৰ কমল নাথ নামৰ ব্যক্তিজনৰ ব্ৰয়লাৰ ফাৰ্মৰ ভিতৰত সোমবাৰে সন্ধিয়া এটা নাহৰফুটুকী বাঘে অবস্থান কৰা প্ৰত্যক্ষ কৰে ৷ বাঘটো প্ৰত্যক্ষ কৰাৰ পিছতেই তীব্ৰ আতংক বিৰাজ কৰে গাওঁখনত ৷
লগে লগে ছিপাঝাৰ আৰক্ষী থানা আৰু বন বিভাগক খবৰ দিয়ে যদিও বহু পলমকৈ কুৰুৱা ৰেঞ্জাৰৰ নেতৃত্বত এটা দল বাঘ ধৰাৰ সা-সৰঞ্জাম অবিহনেই উপস্থিত হয় খালী হাতেৰে ৷ গাঁৱৰ ৰাইজৰ সহযোগত বন বিভাগৰ দলটোৱে ভলীবলৰ নেট সংগ্ৰহ কৰি বাঘটো ধৰিবলৈ চেষ্টা চলায় ৷ কিন্তু নেটেৰে বাঘটো ধৰিবলৈ লওতেই পলাই পত্ৰং দিয়ে বাঘে ৷
বাঘ ধৰাত বনবিভাগৰ দলটো ব্যৰ্থ হোৱাৰ পিছত উত্তেজিত হৈ উঠে ৰাইজ ৷ ৰাইজে কুৰুৱা ৰেঞ্জাৰাক আৱদ্ধ কৰি ৰাখে ৷কেৱল নেটেৰে বাঘটো ধৰিবলৈ চেষ্টা চলোৱা কাৰ্যক ৰাইজে এক নাটক আখ্যা দিয়ে ৷বন বিভাগৰ দলটোৰ অনভিজ্ঞতাৰ বাবে বাঘটো পলাই যাবলৈ সক্ষম হোৱা বুলি ৰাইজে অভিযোগ তোলে।
উত্তেজিত ৰাইজে বন বিভাগৰ দলটোক আৱদ্ধ কৰি জবাবদিহি কৰে। অৱশ্যে পাছত যাবলৈ দিয়ে৷ বন৷ বন বিভাগৰ এই ল’ৰা-ধেমালিৰ বাবে পুনৰ বাঘৰ আতংকৰ সৃষ্টি হয় অঞ্চলটোত ৷ ছিপাঝাৰ পৰা দুলাল হাজৰিকাৰ ৰিপ’ৰ্ট
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
