অন্য এক গণ ধৰ্ষণ কাণ্ড পোহৰলৈ আহিছে৷ চাকৰিৰ প্ৰলোভনেৰে এগৰাকী ২৫ বছৰীয়া যুৱতীক গণ ধৰ্ষণৰ কৰাৰ অভিযোগ উত্থাপন হৈছে৷
ঘটনাৰ বিৱৰণীৰ মতে ঘটনাটো ৰাজস্থানত সংঘটিত হৈছে৷ প্ৰকাশিত খবৰ অনুসৰি দিল্লীৰ পৰা চাকৰিৰ প্ৰলোভনেৰে ৰাজস্থানলৈ লৈ যোৱা হৈছিল যুৱতীগৰাকীক৷
শনিবাৰে আৰক্ষীয়ে প্ৰকাশ কৰা অনুসৰি চাৰিগৰাকী যুৱকে চাকৰি দিয়াৰ প্ৰলোভনেৰে হোটেললৈ নি যুৱতীগৰাকীক গণ ধৰ্ষণ কৰে৷ ইয়াৰ পিছতে যুৱতীগৰাকী হাত-ভৰি বান্ধি হোটেলৰ ছাদৰ ওপৰৰ পৰা তললৈ নিক্ষেপ কৰে যুৱককেইজনে৷
কথমপি প্ৰাণৰক্ষা পৰা যুৱতীগৰাকী ঘটনাৰ সময়ত মাতাল হৈ আছিল বুলিও প্ৰকাশ কৰিছে আৰক্ষীয়ে৷
আৰক্ষীক ঘটনা সংক্ৰান্ত খবৰ দিয়াৰ মাত্ৰকেই ঘটনাস্থলীত উপস্থিত হৈ নিৰ্যাতিতা যুৱতীগৰাকীক উদ্ধাৰ কৰি চিকিৎসালয়ত ভৰ্তি কৰোৱায়৷
ইফালে ঘটনা সন্দৰ্ভত আৰক্ষীয়ে গণ ধৰ্ষণৰ গোচৰ ৰুজুৰ কৰি অভিযুক্ত চাৰি যুৱকৰ সন্ধানত অভিযান আৰম্ভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
