অসম লাইভ ২৪ঃ ছাত্ৰসমাজৰ প্ৰতিবাদৰ পাছতেই গুৱাহাটী বিশ্ববিদ্যালয়ৰ শ্ৰেণীসমূহৰ ভাৰপ্ৰাপ্ত সচিব ড৹ পাৰ্থপ্ৰতিম বৰুৱাৰ পদত্যাগ। উপাচাৰ্যলৈ প্ৰেৰণ কৰা পদত্যাগ পত্ৰৰ পাছতেই তেখেতক শ্ৰেণীসমূহৰ ভাৰপ্ৰাপ্ত সচিব পদৰ পৰা অব্যাহতি দিয়া হয়। এক জাননীযোগে এই কথা জনালে গুৱাহাটী বিশ্ববিদ্যালয় কৰ্তৃপক্ষই। উল্লেখ্য যে, শিক্ষাৰ্থীৰ প্ৰতিবাদত আজি উত্তাল হৈ পৰিছিল বিশ্ববিদ্যালয়ৰ চৌহদ।
SEE MORE: ক’ত পলাবি…এইবাৰ ৰক্ষা নাই ইছলামিক জেহাদীৰ!
হোষ্টেল সংক্ৰান্তীয় এখন বিশেষ জাননীক শিক্ষাৰ্থীসকলে সাৱ্যস্ত কৰিছিল প্ৰতিবাদ। ক্ষোভত জ্বলি উঠিছিল GU PGSUৰ লগতে ULCSUৰ বিষয়ববীয়াসকলো। ৩ দিন পূৰ্বে গুৱাহাটী বিশ্ববিদ্যালয় কৰ্তৃপক্ষই হোষ্টেলসমূহৰ বাবে জাৰি কৰিছিল এখন জাননী। সেই জাননীত কৰ্তৃপক্ষই বিশ্ববিদ্যালয়ৰ সপ্তাহত থকা আন্তঃআৱাস প্ৰতিযোগিতা তথা ব্যক্তিগত আন্তঃআৱাস প্ৰতিযোগিতাসমূহ বন্ধ কৰাৰ সিদ্ধান্ত লৈছিল।
SEE MORE: জম্মুলৈ প্ৰধানমন্ত্ৰী। মোদীৰ সভাৰ কাষতে কোনে ঘটালে বিস্ফোৰণ?
লগতে বিশ্ববিদ্যালয়ৰ আৱাসত প্ৰাক্তন আৱাসী আৰু যিকোনো অতিথি থকাত নিষেধাজ্ঞা জাৰি কৰিছিল। এই সংক্ৰান্তত আৱাসৰ ছাত্ৰাধীক্ষকসকলে এক লিখিত প্ৰতিশ্ৰুতি দিব লাগিব বুলিও উল্লেখ কৰা হৈছিল। এই নিৰ্দেশনা ভংগকাৰী প্ৰাক্তন আৱাসী তথা অকৰ্তৃত্বশীল লোকৰ বিৰুদ্ধে কৰ্তৃপক্ষই ব্যৱস্থা গ্ৰহণ কৰিব বুলিও জাননীখনত উল্লেখ আছিল। বিশ্ববিদ্যালয়ৰ শ্ৰেণীসমূহৰ ভাৰপ্ৰাপ্ত সচিব ড৹ পাৰ্থপ্ৰতিম বৰুৱাৰ স্বাক্ষৰিত এই জাননীৰ পাই লৈ জাঙুৰ খাই উঠিছিল ছাত্ৰসমাজ।
SEE MORE: CBSEৰ পাঠ্যক্ৰমত বৃহৎ পৰিৱৰ্তন : আঁতৰিল মোগল ইতিহাসসহ কে’বটাও অধ্যায়
এই নিৰ্দেশনা প্ৰত্যাহাৰ কৰিবলৈ কৰ্তৃপক্ষলৈ PGSUৰ লগতে ULCSUএ আনকি পত্ৰও প্ৰেৰণ কৰিছিল। নিৰ্দেশনা প্ৰত্যাহাৰ নকৰিলে তীব্ৰ প্ৰতিবাদৰ হুংকাৰ দিছিল। কিন্তু এই দাবীৰ প্ৰতি কোনো কাণসাৰ নিদিয়াত আজি দিনৰ ভাগত তেওঁলোকে এক বিক্ষোভ কাৰ্যসূচী গ্ৰহণ কৰে। বিক্ষোভ কাৰ্যসূচীৰ পাছতেই ছাত্ৰসমাজৰ কাষলৈ আহে বিশ্ববিদ্যালয়ৰ উপাচাৰ্য প্ৰফেছৰ প্ৰতাপজ্যোতি সন্দিকৈ।
তেওঁলোকৰ সৈতে বাৰ্তালাপৰ পাছতেই উপাচাৰ্যগৰাকীয়ে উক্ত নিৰ্দেশনা বাতিলৰ সিদ্ধান্ত গ্ৰহণ কৰে। মন কৰিবলগীয়া যে, নিৰ্দেশনা বাতিলৰ পাছতো ছাত্ৰসমাজ শ্ৰেণীসমূহৰ ভাৰপ্ৰাপ্ত সচিব ড৹ পাৰ্থপ্ৰতিম বৰুৱাৰ পদত্যাগৰ দাবীত অটল থাকে। যাৰ পৰিপ্ৰেক্ষিততেই ড৹ বৰুৱাই নিজৰ পদৰ পৰা পদত্যাগ কৰে। ইফালে নতুন শ্ৰেণীসমূহৰ সচিব নিযুক্ত নোহোৱা পৰ্যন্ত পঞ্জীয়ক ড৹ হেমন্ত কুমাৰ নাথে শ্ৰেণীসমূহৰ ভাৰপ্ৰাপ্ত সচিবৰ দায়িত্ব পালন কৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
