১৮ জুলাইত হ’ব দেশৰ প্ৰথমগৰাকী নাগৰিকৰ নিৰ্বাচন৷ ১৯৭১ চনৰ লোকপিয়ল অনুসাৰে হোৱা জনসংখ্যাৰ আধাৰত দেশৰ ৰাজ্যসমূহৰ বিধায়কৰ ভোটৰ মূল্য নিৰ্ণয় হয় ৰাষ্ট্ৰপতি নিৰ্বাচনত৷
এই হিচাপত অসমৰ এজন বিধায়কৰ ভোটৰ মূল্য ১১৬। মুঠ বিধায়ক আছে ১২৬ জন। সৰ্বমুঠ ভোটৰ মূল্য হ’ল ১২৬x১১৬=১৪,৬১৬
৭১ৰ জনসংখ্যা অনুসাৰে উত্তৰ-পূবৰ আন ৰাজ্যকেইখনৰ ভোটৰ মূল্য এনেধৰণৰ- অৰুণাচল ৮, মিজোৰাম ৮, নাগালেণ্ড ৯, মেঘালয় ১৭, ত্ৰিপুৰা ২৬,মণিপুৰ ১৮
অসম বিধানসভাত বৰ্তমান বিজেপিৰ বিধায়কৰ সংখ্যা ৬৩, কংগ্ৰেছৰ ২৫, অগপৰ ৯, aiudfৰ ১৫, bfpৰ ৩, upplৰ ৭, বাঁওমৰ্চাৰ ১, নিৰ্দলীয়ৰ ১
কংগ্ৰেছৰ পৰা নিলম্বিত হৈ আছে বাঘবৰৰ শ্বেৰমান আলী আহমেদ আৰু ৰহাৰ শশীকান্ত দাস৷ শ্বেৰমান আৰু শশীকান্ত দাসৰ প্ৰসংগলৈ যোৱাৰ পূৰ্বে চাই লওক এই পৰিসংখ্যা৷
ndaৰ পক্ষত সৰ্বমুঠ বিধায়ক হ’ল ৮২ জন। ভোটৰ মূল্য ১১৬x৮২=৯,৫১২, বিজেপিৰ ৭১ জনৰ বিধায়কৰ লগতে অগপৰ ৯ জন, upplৰ ৭ জন আৰু bpfৰ তিনিওজনৰে ভোট লাভ কৰিব দ্ৰৌপদী মূৰ্মুৱে৷
মূৰ্মুই লাভ কৰা ভোটৰ মূল্য হ’ব ৯,৫১২, ইয়াৰ বিপৰীতে বিৰোধী শিবিৰত আছে কংগ্ৰেছ, aiudf, বাঁওমৰ্চাৰ এজন বিধায়ক আৰু ৰাইজৰ দলৰ অখিল গগৈ৷ বিৰোধীৰ ভোট যশৱন্ত সিনহাই লাভ কৰাৰ সম্ভাৱনা আছে৷
ভোটৰ মূল্য ৪২x১১৬=৪,৮৭২, বিদ্ৰোহী বিধায়ক শশীকান্ত দাসৰ ভোট দ্ৰোপদী মূৰ্মুৱে লাভ কৰিলে আৰু ১১৬টা ভোটৰ মূল্য বাঢ়িব ndaৰ৷ ইয়াৰ বিপৰীতে শ্বেৰমান আলীৰ ভোট লাভ কৰাৰ সম্ভাৱনা আছে বিৰোধী শিবিৰৰ প্ৰাৰ্থী যশৱন্ত সিনহাৰ৷
উল্লেখ্য যে দেশৰ ভিতৰত আটাইতকৈ ভোটৰ মূল্য উত্তৰ প্ৰদেশৰ বিধায়কৰ সৰ্বাধিক৷ ইয়াত এজন বিধায়কৰ ভোটৰ মূল্য ২০৮। আটাইতকৈ কম মূল্যৰ ভোট হ’ল ছিকিমৰ বিধায়কৰ৷ ৩২ জনীয়া বিধানসভাৰ এজন বিধায়কৰ ছিকিমত ভোটৰ মূল্য মাত্ৰ ৭৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
