অসম লাইভ২৪ঃ সুস্থ জীৱন-যাপনৰ অন্যতম প্ৰয়োজনীয় বিষয়েই হৈছে পৰিষ্কাৰ-পৰিচ্ছন্নতা৷ বিভিন্ন ৰোগৰ পৰা ৰক্ষা পাবলৈ নিয়মিত পৰিষ্কাৰ পৰিচ্ছন্নতা বজাই ৰখাটো গুৰুত্বপূৰ্ণ৷ কিন্তু কোনটো অংগ অত্যাধিক পৰিষ্কাৰকৈ ৰাখিব লাগে? বহুলোকেই শৰীৰৰ এই অংগ পৰিষ্কাৰ কৰাত বিশেষ গুৰুত্ব আৰোপ নকৰে৷
নিউৱৰ্কৰ লেনক্স হিল হাস্পতালত চিকিৎসকে চলোৱা এক গৱেষণাত পোহৰলৈ আহিছে এই কথা৷ শৰীৰৰ এই অংগকেইটাই অত্যাধিক অপৰিষ্কাৰ অংগ৷
কাণ
কাণৰ ভিতৰ আৰু কাণৰ পিছফালৰ অংশত অত্যাধিক মলি হয়৷ সেয়ে এই অংগটো নিয়মিতভাৱে পৰিষ্কাৰ কৰিব লাগে৷ বিশেষকৈ কাণৰ ভিতৰত ছিবেছিয়াছ গ্ৰন্থিৰ দৰে বহুকেইটা গ্ৰন্থি থাকে৷ নিয়মিত কপাহ তিয়াই কাণৰ ভিতৰভাগ পৰিষ্কাৰ কৰিব লাগে৷
নখৰ ভিতৰভাগ
হাত ধুলেও বহুসময়ত নখৰ ভিতৰৰ অংশ অপৰিষ্কাৰ হৈয়েই থাকে৷ খাদ্য সেৱন কৰোতে এনে অপৰিষ্কাৰ নখৰ পৰা জীৱাণুৰ সংক্ৰমণৰ আশংকা বাঢ়ি যায়৷ কভিডৰ সময়তো চিকিৎসকে বাৰে বাৰে ভালদৰে নখৰ ভিতৰভাগ পৰিষ্কাৰ কৰিবলৈ আহ্বান জনাইছিল৷
নাভি
নাভিৰ গৰ্ভত বহুতো খাজ থাকে। এই স্থানৰ উষ্ণতা দেহৰ বিভিন্ন অংশতকৈ বেছি। বহুসময়ত শৰীৰৰ ঘাম নাভিত প্ৰবেশ কৰে। এনেকৈ ঘাম প্ৰবেশে নাভিত জীৱাণুৰ আক্ৰমণৰ আশংকা বঢ়াই দিয়ে। কাণৰ দৰেই নাভিও তুলাৰে পৰিষ্কাৰ কৰিব পাৰে।
কৰঙনৰ চুক
গুপ্তাংগৰ কাষবোৰো ভালধৰণে পৰিষ্কাৰ কৰাটো গুৰুত্বপূৰ্ণ। বহুসময়ত ভালধৰণে চাফা নকৰিলে খহু আদি হোৱাৰ আশংকা বাঢ়ি যায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
