অসম লাইভ২৪ঃ বিশ্বনাথৰ ছাপ্লাইৰ সমীপত বুধবাৰে তৃণমূল কংগ্ৰেছৰ এখন যোগদান কাৰ্যসূচীত কেইবাটাও গুৰুত্বপূৰ্ণ মন্তব্য কৰিছে তৃণমূল কংগ্ৰেছৰ সভাপতি ৰিপুন বৰাই। বিশ্বনাথৰ ১০০ৰো অধিক লোকে যোগদান কৰিছে তৃণমূল কংগ্ৰেছত৷ এই যোগদান কাৰ্যসূচীত তৃণমূল কংগ্ৰেছৰ সভাপতি ৰিপুন বৰাই অংশগ্ৰহণ কৰি মন্তব্যত কয় যে, মোগলে নহয় হিন্দুৱেহে আক্ৰমন কৰিছিল অসম৷
লাচিতে শৰাইঘাটত মোগলৰ বিৰুদ্ধে নহয় হিন্দুৰ বিৰুদ্ধেহে যুদ্ধ কৰিছিল। কাৰণ মোগলৰ সেনাপতি ৰাম সিংহ আছিল হিন্দু৷ শৰাইঘাটৰ ৰণ সম্পৰ্কে এনেদৰে নতুন বাখ্যা আগবঢ়াই তৃণমুল কংগ্ৰেছৰ সভাপতি ৰিপুন বৰাই৷ বিশ্বনাথ চাৰিআলিত অনুষ্টিত তৃণমুল কংগ্ৰেছৰ যোগদান সভাত শৰাইঘাটৰ ৰণ সম্পৰ্কে এই বাখ্যা আগবঢ়ালে ৰিপুন বৰাই।
যি সময়ত লাচিত বৰফুকনৰ ৪০০ বছৰীয়া জন্ম জয়ন্তী সমগ্ৰ দেশে উদযাপন কৰিছে, লাচিত বৰফুকনৰ কৰ্মৰাজিৰ বিষয়ে সমগ্ৰ দেশত চৰ্চা চলিচে সেই সময়ত ৰিপুন বৰাই আগবঢ়োৱা এই বাখ্যাই যে বিতৰ্কৰ সৃষ্টি কৰিব সেইয়া নিশ্চিত৷ উক্ত অনুষ্ঠানত ৰিপুন বৰাৰ লগতে গহপুৰৰ বিধায়িকা মণিকা বৰা ধেমাজি জিলা তৃণমূল সভাপতি বাবুল সোণোৱাল, বিশ্বনাথ জিলা তৃণমূলৰ সভাপতি বিশ্বজিৎ বাঢ়ৈকে আদি কৰি বহুকেইজন শীৰ্ষ নেতা আৰু ৩০০ ৰো অধিক ৰাইজ উপস্থিত থাকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
