অসম লাইভ২৪ঃ শুনিয়েই গুৱালগালি নিদিব৷ এই কথা আমি কোৱা নাই৷ অসমৰ এজন সন্মানীয় সাংসদৰ এটা পষ্টে ছচিয়েল মিডিয়াত তুলিছে খলকনি৷ বিশ্বজুৰি মেছীক লৈ চৰ্চা অব্যাহত থকাৰ সময়তে অসমৰ সাংসদ আব্দুল খালেকে দাবী কৰিছে যে মেছিৰ জন্ম অসমতেই হৈছিল৷ যোৰহাটত জন্মলাভ কৰিছিল লিয়োনেল মেছিয়ে৷
বৰপেটাৰ সাংসদ আব্দুল খালেকে মেছীক শুভেচ্ছা বাৰ্তা জনাবলৈ গৈ লিখিছিল,‘মেছিলৈ হৃদয়ৰ পৰা অভিনন্দন জনাইছো। অসমৰ সৈতে থকা আপোনাৰ সম্পৰ্কৰ বাবে আমি গৌৰবান্বিত।’ এই টুইট শ্বেয়াৰ কৰাৰ পাছতেই বহুতেই তেওঁক প্ৰশ্ন কৰিছিল এয়া সঁচানে? তেতিয়া তাৰ উত্তৰত তেওঁ কয় যে এয়া সঁচা, মেছিৰ জন্ম অসমতেই৷
বিষয়টোৱে ৰাজ্যজুৰি চৰ্চা লাভ কৰাৰ পাছত এই টুইট ডিলিট কৰিছে সাংসদগৰাকীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
