অসম লাইভ২৪ঃ ২০২৩ চনত বহুকেইটা ডাঙৰ গ্ৰহৰ ৰাশি পৰিবৰ্তন হ’ব। এইবাৰ ৰাহুৱেও নিজৰ স্থান সলনি কৰিব। ৩০ অক্টোবৰত ৰাহুৱে মীন গ্ৰহত প্ৰৱেশ কৰিব। ৰাহুৱে মীন গ্ৰহত প্ৰৱেশ কৰাৰ লগে লগে শুভ-অশুভ দুয়োটা প্ৰভাৱে পৰিব মীন ৰাশিৰ জাতক-জাতিকাৰ জীৱনত। ৰাহুৰ এই পৰিবৰ্তনে কিছু ৰাশিত জাতক-জাতিকাৰ চিন্তা বৃদ্ধি কৰিব। বহুকেইটা সমস্যাৰ সন্মুখীন হ’ব পাৰে কেইটামান ৰাশিৰ ব্যক্তি। এই সমস্যাৰ পৰা সমাধান কেনেদৰে পাব? এই বিষয়টোক লৈ জ্যোতিষীয়ে আগবঢ়াইছে কেইটামান বিশেষ মতামত।
মীন ৰাশি
নতুন বছৰতে ৰাহুৱে মীন গ্ৰহত প্ৰৱেশ কৰিব। সেয়ে মীন ৰাশিৰ জাতক-জাতিকাসকলে নতুন বছৰত সাৱধানতা অৱলম্বন কৰি চলিব লাগে। এই ৰাশিৰ জাতক-জাতিকাৰ হ’ব লগীয়া কামো এইবাৰ নোহোৱা হৈ যাব পাৰে। ইয়াৰোপৰি কাৰ্যত বাধা বহু আহিব। ঘৰ আৰু কাৰ্যালয়ত বিশেষ সতৰ্কতা অৱলম্বন কৰি চলিব। অন্যথা মতবিৰোধ ঘটাৰ সম্ভাৱনা আছে। খাদ্য গ্ৰহণত সাৱধানতা অৱলম্বন কৰক। অনথ্যা শৰীৰ ভালে নাযাব।
তুলা ৰাশি
৩০ অক্টোবৰত ৰাহুৰ স্থান সলনিয়ে এই ৰাশিতো প্ৰভাৱ পেলাব। বিবাহিত জীৱনত প্ৰভাৱ পৰিব পাৰে। এনে পৰিস্থিতিত অলপ শান্তভাৱে কৰিব লাগিব। চাকৰিয়াল সকলেও সাৱধানে চলাটোৱে মঙ্গল। জ্যোতিষীয়ে উল্লেখ কৰা অনুযায়ী এই ৰাশিৰ লোকে সহকৰ্মীৰ সৈতে তৰ্কযুঁজত লিপ্ত হ’ব পাৰে। ঘৰত বিভেদৰ সৃষ্টি হ’ব পাৰে।
বৃষ ৰাশি
ৰাহুৰ স্থান সলনিৰ সময়ত এই ৰাশিত কিছু প্ৰভাৱ পৰিব। আৰ্থিক সমস্যা থাকিব। এই সময়ছোৱাত, এই ৰাশিৰ লোকসকলৰ ধনৰ অপব্যয় হ’ব। এই ৰাশিৰ লোকসকলৰ ধন ঘটাতো বাধা আহিব পাৰে। এনে পৰিস্থিতিত, চিন্তা কৰি ব্যয় কৰিব। মানসিক সমস্যাও অহাৰ সম্ভাৱনা আছে। স্বাস্থ্যসম্পৰ্কীয় সাৱধানতা অৱলম্বন কৰক।
মেষ ৰাশি
জ্যোতিষশাস্ত্ৰ অনুসৰি, ৰাহু বৰ্তমান মেষ ৰাশিত আছে। ৩০ অক্টোবৰ ২০২৩ ত মেষ ৰাশিৰ পৰা ৰাহুৱে মীনত প্ৰৱেশ কৰিব। এনে পৰিস্থিতিত, এই ৰাশিৰ লোকসকলো বিশেষভাৱে সাৱধান হোৱাৰ প্ৰয়োজন আছে। এই সময়ছোৱাত, মেষ ৰাশিৰ লোকসকল ডাঙৰ ষড়যন্ত্ৰৰ বলি হ’ব পাৰে। পৰিয়ালত বিতৰ্কৰ সৃষ্টি হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
