অসম লাইভ২৪ঃ লিওনেল মেছি। বিশ্বত এই নামটো নজনা মানুহ হয়তো নায়েই। পৃথককৈ মেছিক পৰিচয় কৰাই দিয়াৰো প্ৰয়োজন নাই। ডিয়েগো মাৰাডোনাৰ পাছত আৰ্জেণ্টিনাৰ ফুটবল দলক আগুৱাই নিছে মেছিয়ে। মেছিৰ দুভৰিৰ যাদুত মুগ্ধ বিশ্ববাসী। মেছিৰ খেলৰ বৰ্ণনা আমি পৃথককৈ দিবলৈ নাযাও কিয়নো সেই বিষয়ে নজনা মানুহ বিশ্বত আছে বুলি কোনেও হয়তো নাভাৱে। মেছিৰ জীৱনৰ এই দিশটো হয়তো বহুতেই নাজানে। ২০২২ৰ কাটাৰ বিশ্বকাপত লিওনেল মেছিক মুঠ কিমান জাৰ্ছী প্ৰদান কৰা হৈছিল জানেনে? এজন চেলিব্ৰিটি ফুটবলাৰৰ বাবে এয়া তেনেই সাধাৰণ হ’লেও মেছিৰ জাৰ্ছী অন্য খেলুৱৈতকৈ বহু বেছি। মেছিয়ে ২০২২ ৰ বিশ্বকাপত পিন্ধিবৰ বাবেই তৈয়াৰ কৰা হৈছিল ৩০০ জাৰ্ছী।
কাটাৰত প্ৰথমে আৰ্জেণ্টিনা দলৰ পাৰফৰ্মেন্সক লৈ হতাশ হৈছিল ফুটবলপ্ৰেমী। কিন্তু পাছলৈ খেল সলনি হ’ল। মেছিয়ে দেখুৱালে খেল। এখন মেছৰ বাবে এজন খেলুৱৈক দিয়া হয় ৩টা জাৰ্ছী। কিন্তু মেছিক দিয়া হৈছিল ৩০০ জাৰ্ছী। ‘বিশ্বকাপত আৰ্জেণ্টিনা দলটোক প্ৰথম দুখন মেছৰ বাবে তৈয়াৰ কৰা হৈছিল ৬০০ জাৰ্ছী। ইয়াত মেছিক ধৰা হোৱা নাছিল। মেছৰ বাবেই পৃথককৈ তৈয়াৰ হৈছিল ৩০০ জাৰ্ছী। মেছিক প্ৰয়োজনো হয় এইখিনি জাৰ্ছীৰ। ফুটবলত প্ৰত্যেকখন মেছৰ অন্ততেই বিপৰীতে থকা দলটোৰ সৈতে জাৰ্ছী সলনি কৰাটো এক পৰম্পৰা। ইয়াৰোপৰি অনুৰাগীয়েও প্ৰিয় খেলুৱৈৰ জাৰ্ছী বিচাৰে। প্ৰত্যেকখন খেলৰ শেষতেই শেষ হয় মেছিৰো জাৰ্ছী। এইবাৰো মেছিক প্ৰদান কৰা সকলো জাৰ্ছীয়েই মেছিয়ে অনুৰাগীক প্ৰদান কৰা বুলি বিশ্বকাপ আয়োজক দেশ কাটাৰৰ এক সংবাদ মাধ্যমে প্ৰচাৰ কৰা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
