অসম লাইভ২৪ঃ পাণবজাৰ মহিলা আৰক্ষী থানাত নিশা সংগীতা দত্ত আৰু উৎপলাসহ দুই আশা কৰ্মীক একেলগে জেৰা কৰিছে আৰক্ষীয়ে। জেৰাৰ অন্তত আৰক্ষীয়ে দুই আশাকৰ্মীক ঘৰলৈ যাবলৈ দিয়ে যদিও উৎপলা বসু বৰ্তমানো আৰক্ষীৰ জিম্মাত আছে।
আৰক্ষীৰ জেৰাত উৎপলা বসুৱে বিস্ফোৰক স্বীকাৰোক্তি দিয়ে। বসুৱে জনোৱামতে, ডাঃ সংগীতা দত্তৰ বাবে কন্যা শিশুটি ৩০ হাজাৰ টকা আৰু ল’ৰা শিশুটি ১০ হাজাৰ টকাত ক্ৰয় কৰা হৈছিল। দুয়োটা শিশু আনি দিয়াৰ বাবদ সংগীতা দত্তই ৫০ হাজাৰ টকা দিছিল উৎপলা বসুক। কন্যা শিশুটি বৰপেটাৰ পৰা অনা বুলি জানিব পৰা গৈছে। ল’ৰা সন্তানটো নেপালী সম্প্ৰদায়ৰ আছিল। সংগীতাই যমজ বুলি দাবী কৰা শিশু দুটি যমজ নহয়।
বৰ্তমানলৈকে পোহৰলৈ অহা নাই শিশু দুটিৰ মাতৃৰ পৰিচয়। এই সন্তান কাৰ পৰা ক্ৰয় কৰিছিল সেয়া জানিব পৰা হোৱা নাই যদিও অধিক তথ্যৰ বাবে আৰক্ষীয়ে তদন্ত অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
