অসম লাইভ২৪ঃ আগন্তুক ১৮ জুলাইৰ পৰা আৰম্ভ হ’ব শাওন মাহ৷ বৈদিক পঞ্জিকামতে বিগত ৪ জুলাই গুৰুপূৰ্ণিমাৰ পৰাই শাওন মাহ বুলি কৈছে৷ এই বছৰৰ শাওন মাহটো মল মাহ হোৱাৰ বাবে শাওন মাহটো দুমহীয়া বুলি ধৰা হৈছে৷ এইবাৰ শাওন মাহত ৮টা সোমবাৰ পালন কৰা হ’ব৷ এইবাৰৰ শাওন মাহত ১৯ বছৰ পাছত এই শুভ সংযোগ পৰিছে৷ সেয়ে শিৱভক্ত সকলৰ বাবে এই শাওন মাহৰ বিশেষ গুৰুত্ব আছে৷ মহাদেৱৰ আশীৰ্বাদ লাভ কৰাৰ বাবে এইবাৰ মহাদেৱক উপাসনাৰ বাবে অধিক সময় পাইছে ভক্তই৷
শাওন মাহৰ প্ৰতিটো দিনেই গুৰুত্বপূৰ্ণ৷ শাওনত যিকোনো দিনতেই মহাদেৱক উপাসনা কৰিব পাৰি৷ কিন্তু সোমবাৰ যিহেতু শিৱৰ বিশেষভাৱে প্ৰিয় সেয়ে শাওন মাহৰ সোমবাৰসমূহৰ বিশেষ মহত্ব আছে৷ মহাদেৱক প্ৰসন্ন কৰি আশীৰ্বাদ লাভ কৰিবলৈ শাওন মাহত শিৱ লিংগত পানী ঢলা অৰ্থাঞ শিৱলিংগৰ অভিষেক কৰাৰ প্ৰথা পূৰ্বৰে পৰাই প্ৰচলিত৷ শাওন মাহত কি কি সামগ্ৰী শিৱলিংগত নিবেদন কৰিব নালাগে?
তুলসী পাত
শাওন মাহত শিৱলিংগত ভুলতো তুলসী পাত নিবেদন কৰিব নালাগে৷ শিৱপূজাত তুলসী নিবেদন কৰাটো অত্যন্ত অশুভ বুলি কোৱা হয়৷ কাৰণ পুৰাণ অনুসৰি মহাদেৱে তুলসীৰ স্বামী জলন্ধৰক বধ কৰিছিল৷
কেতেকী ফুল
শিৱপুৰাণ অনুসৰি ব্ৰহ্মাই যেতিয়া মহাদেৱৰ সম্পৰ্কে মিছা ভাষণ প্ৰদান কৰিছিল সেই ভাষণ প্ৰদানৰ সময়ত ব্ৰহ্মাক সহায় কৰিছিল কেতেকী ফুলে৷ সেইকাৰণেই মহাদেৱে কেতেকী ফুলক অভিশাপ দিছিল যে তেওঁৰ কোনো পূজাতেই কেতেকী ফুলৰ ব্যৱহাৰ নহ’ব৷
হালধী
মহাদেৱক আৰাধনা কৰোতে ভুলতো হালধি ব্যৱহাৰ কৰিব নালাগে৷ হালধি মহিলাৰ সৈতে সম্পৰ্কিত সামগ্ৰী৷ শিৱলিংগত হালধী নিবেদন কৰাটো অশুভ বুলি কোৱা হয়৷
তিল
শিৱলিংগত তিল নিবেদন কৰাটো একেবাৰেই অশুভ৷ শিৱ পুজাত তিল ব্যৱহাৰ কৰিব নালাগে৷
শংখ
শংখচূড় নামৰ এজন অসুৰে এবাৰ দেৱতাসকলৰ আক্ৰমণ কৰিছিল৷ সেই দানৱক মহাদেৱেই বধ কৰিছিল৷ সেয়ে শংখৰ পানী কেতিয়াও শিৱলিংগত দিব নালাগে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
