অসম লাইভ২৪ঃ বিগত বৰ্ষৰ জানুৱাৰী মাহত মাতৃ হৈছে অভিনেত্ৰী প্ৰিয়ংকা চোপ্ৰা৷ চেৰোগেছিৰ মাধ্যমেৰে জন্ম হৈছে নিক আৰু প্ৰিয়ংকাৰ সন্তান মালতি মেৰি চোপ্ৰা জোনাছৰ৷ মালতিৰ জন্মৰ পাছত প্ৰিয়ংকাই প্ৰকাশ কৰিছে কেনেকৈ ইমান বয়স বাঢ়ি যোৱা স্বত্ত্বেও সন্তান আহিল প্ৰিয়ংকাৰ কোলালৈ? প্ৰিয়ংকাই কয় যে তেওঁৰ সন্তান অনাৰ পৰিকল্পনা বিবাহৰ পূৰ্বতেই আৰম্ভ হৈছিল৷ ৩০ বছৰ বয়সতেই মাতৃৰ পৰামৰ্শ মানি ডিম্বানুৰ সংৰক্ষণ কৰিছিল প্ৰিয়ংকাই৷ ভৱিষ্যতৰ কথা ভাৱিয়েই ডিম্বানুৰ সংৰক্ষণ কৰিছিল৷ পেছাগত কাৰণত বহুতেই সময়মতে সন্তানৰ পৰিকল্পনা কৰিব নোৱাৰে সেয়ে এনেদৰে ডিম্বানু সংৰক্ষণ কৰে৷
কম বয়সত ডিম্বানুৰ সংৰক্ষণ কৰি থলে বয়স বাঢ়িলেও মাতৃ সুখ অৰ্জনত সহায়ক হয়৷ বৰ্তমান সমগ্ৰ দেশতেই জনপ্ৰিয় হৈ উঠিছে ডিম্বানু সংৰক্ষণ পদ্ধতি৷ এই সন্দৰ্ভত চিকিৎসকে কয়, ‘প্রথম আইভিএফ পদ্ধতি আৰম্ভ হৈছিল সাত বছৰ পূৰ্বে৷ তেতিয়া খুব কম মানুহেৰে এই বিষয়টো জানিছিল৷ বহু উচ্চশিক্ষিত মহিলাই বৰ্তমান এই পদ্ধতি গ্ৰহণ কৰিবলৈ আৰম্ভ কৰিছে৷ কিন্তু ডিম্বানুৰ সংৰক্ষণৰ সকলোতকৈ উৎকৃষ্ট সময় হৈছে ২৫ ৰ পৰা ৩৫ বছৰ৷ এই বয়সৰ পাছত কিন্তু ডিম্বানুৰ সংৰক্ষণ কৰি লাভ নহয়৷
কেমো থেৰাপি চলি থাকিলে বা শৰীৰত অন্য কোনো অসুস্থতা থাকিলেও ডিম্বানু সংৰক্ষণ কৰিব পাৰিনে এই বিষয়টোক লৈয়ো বহুতৰেই মনত প্ৰশ্ন উত্থাপন হয়৷ কেনেকৈ এই ডিম্বানু সংৰক্ষণ কৰা হয়?
প্ৰথমে বেজীৰ সহায়ত ডিম্বানুৰ পৰিমান বঢ়োৱা হয়৷ ইঞ্জেকশ্ব্যন প্ৰয়োগৰ কিছু দিন পাছত ‘ট্ৰেন্স ভেজেইনাসল ওছাইট ৰিট্ৰিভেল’ পদ্ধতিৰে শৰীৰৰ পৰা ডিম্বানু ওলিয়াই অনা হয়৷ এনেকৈ কৰোতে কমেও ১৫ টা ডিম্বানু নিষিক্ত কৰা সম্ভৱ৷
ডিম্বানু সংৰক্ষণৰ পদ্ধতিত ‘ভিট্ৰিফিকেছন’ বা ‘ৰেপিড ফ্ৰিজিং’ পদ্ধতি বুলি কোৱা হয়৷ ডিম্বানুক তৰল নাইট্ৰজেনৰ মাজত ১৯৬ ডিগ্ৰী তাপমাত্ৰাৰ মাজত সংৰক্ষণ কৰা হয়৷ তাৰপূৰ্বে ডিম্বানুৰ মাজত যি পৰিমানৰ পানী থাকে সেয়া বাহিৰ কৰি লোৱা হয়৷ ডিম্বানুৰ আকাৰ আৰু গুণগত মান পানীয়ে কমাই দিয়ে বাবেই পানী আঁতৰাই দিয়া হয়৷ ‘ডিএমএছও’ নামৰ ৰাসায়নিক পদাৰ্থ ব্যৱহাৰ কৰি সংৰক্ষণ কৰা হয়৷
চিকিৎসকে এই পদ্ধতিটো সম্পূৰ্ণ হ’বলৈ ১৫-২০ দিন লাগে বুলি জনাইছে৷ শাৰীৰিক জটিলতা থাকিলে দেৰিও হ’ব পাৰে৷ প্ৰায় ২০ দিনৰ ভিতৰত এই প্ৰক্ৰিয়া সম্পূৰ্ণ হয়৷
ডিম্বানুৰ সংৰক্ষণ কৰিবলৈ ১.৫ ৰ পৰা ১.৭ লাখ পৰ্যন্ত খৰচ হয়। কিন্তু সকলো ক্লিনিকত এয়া সম্ভৱ নহয়। খৰচ বিভিন্ন বিষয়ৰ ওপৰতহে নিৰ্ভৰশীল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
