অসম লাইভ২৪ঃ প্ৰধানমন্ত্ৰী নৰেন্দ্ৰ মোদীয়ে ২৭ জুলাইত ৰাজস্থানৰ চিকাৰ জিলাত আয়োজিত কৃষক সন্মীলনৰ পৰাই কৃষক সন্মান নিধিৰ ধন মুকলি কৰি দিছে। কৃষকৰ একাউণ্টত পোনপটীয়াভাৱে ১৪ নম্বৰ কিস্তিৰ ধন সোমোৱাই দিয়া হৈছে। কেন্দ্ৰীয় চৰকাৰে সমগ্ৰ দেশৰ ৮.৫ কোটি কৃষকৰ একাউণ্টত সোমোৱাই দিছে এই ধন। সমগ্ৰ দেশৰ কৃষকলৈ মুঠ ১৭ হাজাৰ কোটি ধন মোকলাই দিছে কেন্দ্ৰই। কিন্তু প্ৰধানমন্ত্ৰী কিষাণ সন্মান নিধি আঁচনিৰ চতুৰ্দশ কিস্তি প্ৰদানৰ পাছতো দেশৰ এনে বহু কৃষক আছে যিয়ে তেওঁলোকৰ একাউণ্টত ধন লাভ কৰা নাই। ধন লাভ নকৰা কৃষকৰ বাবে এই ধন একাউণ্টত সোমাবলৈ অচিৰেই আবেদন কৰাৰ জনাইছে কেন্দ্ৰই। কিন্তু কেনেকৈ এই আৱেদন কৰিব?
E-KYC আৰু মাটিৰ কাগজ দাখিল কৰাটো বাধ্যতামূলক
যদি আপুনি এতিয়ালৈকে আপোনাৰ একাউণ্টত প্ৰধানমন্ত্ৰী কিষাণ সন্মান নিধি আঁচনিৰ চতুৰ্দশ কিস্তিৰ ধন লাভ কৰা নাই তেন্তে ইয়াৰ মুখ্য কাৰণ হৈছে আপুনি E-KYC আৰু মাটিৰ কাগজ দাখিল কৰা কৰা নাই। যদি আপুনি আঁচনিখনত আপোনাৰ ই-কেৱাইচি আৰু ভূমি ৰেকৰ্ড বোৰ প্ৰমাণিত কৰিছে। ইয়াৰ পাছতো, আপোনাৰ নাম হিতাধিকাৰীতালিকাত অন্তৰ্ভুক্ত কৰা হোৱা নাই। এনে পৰিস্থিতিত, আপুনি লগে লগে জিলাখনৰ সংশ্লিষ্ট নোডেল অফিচাৰপ সৈতে যোগাযোগ কৰক আৰু তালিকাখনত আপোনাৰ নাম নথকাৰ কাৰণ তেঁওক সোধক। তেওঁৰ হাততেই এই সমস্ত তথ্য জমা দিয়াৰ পাছতো কিয় তেঁও সুচাৰুৰূপে এইসমূহ জমা নিদিলে।
যদি তথ্যসমূহ ভৰ্তি কৰোতে কিবা ভুল হৈছিল তেন্তে এতিয়াও শুধৰাই দিয়াৰ উপায় আছে সেই উপায় গ্ৰহণ কৰি ততাতৈয়াকৈ সেয়া শুধৰাই লওক। ইয়াৰ পাছতেই আপুনি পিএম কিষাণ আঁচনিৰ ধন একাউণ্টত লাভ কৰিব। সকলো ঠিকে থকাৰ পাছতো যদি ধন লাভ কৰা নাই তেন্তে 155261, 1800115526 আৰু 011-23381092 নম্বৰত ফোন কৰক। ইয়াৰোপৰি Pmkisan-ict@gov.in গৈ আপুনি মেইল কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
