অৱশেষত পোহৰলৈ আহিল বিয়াৰ চিঠি, কেতিয়া বিয়া হ’ব আম্বানী পৰিয়ালৰ ৰাজকুমাৰৰ
ভাৰতৰ লগতে বিশ্বৰ অন্যতম ধনাঢ্য মুকেশ আম্বানীৰ সৰু পুত্ৰ অনন্ত আম্বানীৰ বিয়াৰ চিঠি সমুখলৈ অহাৰ লগে লগে ভাইৰেল হৈ পৰে। অহা মাহতে বিয়া অনন্ত-ৰাধিকাৰ। যি বিয়া হব এক উৎসৱৰ লেখীয়া।
অহা ১২ জুলাইত উদ্যোগপতি বীৰেন মাৰ্চেণ্টৰ কন্যা ৰাধিকা মাৰ্চেণ্টৰ সৈতে বিবাহপাশত আবদ্ধ হ’ব ৰিলায়েন্স ইণ্ডাষ্ট্ৰী লিমিটেডৰ অধ্যক্ষ মুকেশ আম্বানীৰ কনিষ্ঠ পুত্ৰ অনন্ত আম্বানীয়ে। মুম্বাইৰ জিঅ’ ৱৰ্ল্ড কনভেনচন চেণ্টাৰত অনুষ্ঠিত হ’ব এই বিবাহ অনুষ্ঠান। বিয়াত উপস্থিত হোৱা অতিথিসকলে বিয়াৰ কাৰ্ড লাভ কৰিবলৈ আৰম্ভ কৰিছে, য’ত ৩ দিন ধৰি চলি থকা অনুষ্ঠানটোৰ বিষয়ে তথ্য দিয়া হৈছে।
অহা ১২ জুলাইৰ পৰা ‘শুভ বিবাহ’ৰে আৰম্ভ হ’ব বিবাহ অনুষ্ঠানৰ বিশেষ অনুষ্ঠান। অতিথিসকলক ভাৰতীয় পৰম্পৰাগত সাজ-পোছাক পৰিধান কৰি বিবাহ অনুষ্ঠানত উপস্থিত হ’বলৈ কোৱা হৈছে। ১৩ জুলাইৰ ‘শুভ আশীৰ্বাদ’ৰ বিশেষ উপলক্ষে অতিথিসকলৰ সাজ-পোছাক ‘ফৰ্মেল ইণ্ডিয়ান’ হিচাপে ৰখা হৈছে। অহা ১৪ জুলাইত মংগল উৎসৱ উপলক্ষে ড্ৰেছ কোড হ’ব ‘ইণ্ডিয়ান চিক’।
অনন্ত আম্বানীয়ে আমেৰিকাৰ ব্ৰাউন বিশ্ববিদ্যালয়ৰ পৰা অধ্যয়ন কৰিছে। বৰ্তমানে অনন্তই ৰিলায়েন্স ইণ্ডাষ্ট্ৰীজৰ বহু গুৰুত্বপূৰ্ণ পদত কাম কৰি আহিছে। বৰ্তমান তেওঁ আৰ আই এলৰ বাঘজৰী চম্ভালি আছে। আনহাতে, ৰাধিকা মাৰ্চেণ্ট নিউয়ৰ্ক বিশ্ববিদ্যালয়ৰ পৰা স্নাতক। এনকোৰ হেল্থকেয়াৰ ব’ৰ্ডৰ পৰিচালক হিচাপে কাম কৰি আছে। তেখেত এগৰাকী সুদক্ষ ভাৰতীয় শাস্ত্ৰীয় নৃত্যশিল্পীও। অনন্ত আৰু ৰাধিকাৰ সৰুৰে পৰা বন্ধু। ২০১৮ চনতে মানুহে তেওঁলোকৰ সম্পৰ্কৰ বিষয়ে জানিব পাৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
