মাতৃ ছোনীয়া গান্ধীৰ নজিৰ ভাঙিলে ৰায়বৰেলীৰ কংগ্ৰেছ প্ৰাৰ্থী ৰাহুল গান্ধীয়ে৷ বিজেপি প্ৰাৰ্থী দীনেশপ্ৰতাপ সিংহক তিনি লাখ ৯০ হাজাৰ ৩০ টা ভোটৰ ব্যৱধানত হৰুৱালে ৰাহুল গান্ধীয়ে৷ ৰায়বৰেলীৰ ওপৰিও ৱাইনাডতো বিপুল ভোটত জয়লাভ কৰিছে ৰাহুলে৷ ৱাইনাডত বিজেপি প্ৰাৰ্থীক সুৰেন্দ্ৰনক ৩লাখ ৬৬ হাজাৰ ৪২২ টা ভোটত হৰুৱাইছে ৰাহুলে৷
২০১৯ চনত লোকসভা নিৰ্বাচনত ৰায়বৰেলীত ছোনীয়া গান্ধীৰ প্ৰতিদ্বন্দী আছিল দীনেশপ্ৰতাপ৷ ২০০৪ চনৰ পৰা উত্তৰপ্ৰদেশৰ ৰায়বৰেলী আসন ছোনীয়া গান্ধীৰ হাতত আছিল৷ ২০১৯ চনত তেওঁ ৩লাখ ৬৭ হাজাৰ ভোটত জয়ী হৈছিল দীনেশপ্ৰতাপৰ বিৰুদ্ধে৷ ২০২৪ৰ লোকসভা নিৰ্বাচনৰ পূৰ্বে ৰাজ্যসভালৈ গৈছে ছোনীয়া গান্ধী৷ কংগ্ৰেছৰ তৰফৰ পৰা জনোৱা হৈছিল য়ে লোকসভা নিৰ্বাচনত আৰু তেওঁ কেতিয়াও প্ৰতিদ্বন্দিতা নকৰে৷ ছোনীয়াৰ পাছতেই সেই আসনত যুঁজ দিছে ৰাহুল গান্ধীয়ে৷
২০১৯ চনৰ উত্তৰপ্ৰদেশৰ আমেঠিৰ আসনত বিজেপিৰ প্ৰাৰ্থী স্মৃতি ইৰাণীৰ হাতত পৰাস্ত হৈছিল ৰাহুল গান্ধী৷ আমেঠিত পৰাস্ত হ’লেও কেৰালাৰ ৱাইনাড আসনত জয়ী হৈছিল ৰাহুল৷ ৱাইনাডত ৭লাখ ৬হাজাৰ ৩৬৭ ভোটত জয়ী হৈছিল ৰাহুল৷ এইবাৰো ৱাইনাডত বিপুল ভোটত জয়ী হৈছে ৰাহুল গান্ধী৷ এইবাৰ অৱশ্যে ৱাইনাডত ভোট কিছু কমিছে ৰাহুলৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
