হঠাতে ৰাজহুৱা স্থানত কংগনা ৰানাৱতক চৰ শোধালে জোৱানে
নৱ নিৰ্বাচিত সাংসদ তথা জনপ্ৰিয় অভিনেত্ৰী কংগনা ৰানাৱতত ৰাজহুৱা স্থানত হঠাতে চৰ শোধালে এগৰাকী মহিলা জোৱানে। লগে লগে আটক কৰা হয় জোৱানগৰাকীক। চণ্ডীগড় বিমানবন্দৰত বিয়লি ৩:৪০ বজাত সংঘটিত হয় এই চাঞ্চল্যকৰ ঘটনা।
কংগনাক চৰ মাৰি দিয়াৰ অভিযোগ চি আই এছ এফৰ জোৱান কুলৱিন্দৰ কৌৰৰ বিৰুদ্ধে। নিৰ্বাচনৰ ফলাফল ঘোষণাৰ পাছতে চণ্ডীগড়ৰ পৰা দিল্লীলৈ উভতি আহি আহিছিল কংগনা। সেই সময়তে বিমান বন্দৰত এই ঘটনা।
জানিব পৰা মতে, কংগনাই কৃষকক লৈ দিয়া বক্তব্যক লৈ ক্ষুব্ধ মহিলা কনিষ্টবলগৰাকী। যাৰ বাবে আজি বিমান বন্দৰত কংগনাক দেখাৰ লগে লগে ওচৰ চাপি গৈ চৰ শোধাই দিয়ে।
উল্লেখ্য যে, লোকসভা নিৰ্বাচনত হিমাচল প্ৰদেশৰ মাণ্ডী আসন বিজেপি প্ৰাৰ্থী বলীউডৰ কুইন কংগনা ৰানাৱটে দখল কৰিছে। কংগনাই জয়লাভ কৰাৰ বিপৰীতে কংগ্ৰেছ প্ৰাৰ্থী বিক্ৰমাদিত্য সিঙে পৰাজয়ৰ সন্মুখীন হ’বলগীয়া হয়।
মাণ্ডী সংসদীয় সমষ্টিৰ পৰা ১০ গৰাকী প্ৰাৰ্থীয়ে নিৰ্বাচনত অৱতীৰ্ণ হৈছিল। সমগ্ৰ দেশৰ মাণ্ডী আসনৰ ওপৰত সকলোৰে দৃষ্টি আছিল। মূল প্ৰতিদ্বন্দ্বিতা আছিল কংগনা আৰু বিক্ৰমাদিত্য সিঙৰ মাজত। কংগনাই মুঠ ৫,৩৭,০২২টা ভোট লাভ কৰি বিজয় সাব্যস্ত কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
