সকলোৰে সমুখত কন্যাক চেল্যুট দিবলৈ বাধ্য, তথাপি গৌৰৱাম্বিত পিতৃ, আনন্দৰ অশ্ৰু পিতৃৰ দুগালত
ছচিয়েল মিডিয়াত ভাইৰেল হৈ পৰিছে এহাল পিতৃ-কন্যাৰ ছবি। এই ছবিখনত দেখা গৈছে যে এজন পিতৃয়ে নিজৰ কন্যাক চেল্যুট দিছে। কন্যাক চেল্যুট দিবলৈ বাধ্য হৈ পৰিছে পিতৃ। কিন্তু পিতৃয়ে কন্যাক তেনেদৰে সকলোৰে সমুখত চেল্যুট দিবলৈ পাই নথৈ আনন্দিত। আনন্দৰ দুধাৰি অশ্ৰু বৈ আহিছে পিতৃৰ চকুৰে।
এই ছবিখনৰ আঁৰত আছে এক অতি সুন্দৰ কাহিনী। ছবিখনত চেল্যুট দিয়া আৰক্ষী বিষয়াজনৰ নাম এন. ভেংকটেশ্বৰলু। আৰক্ষীৰ এগৰাকী উচ্চ পদস্ত বিষয়া। পাছে কন্যা পিতৃতকৈয়ো ওপৰত। আই এ এছ হৈ আহিছে কন্যা। যাৰ বাবে কন্যাক চেলুট দিছে পিতৃয়ে। কন্যা উমা হাৰাথী ২০২২ চনৰ অসামৰিক পৰীক্ষাতদেশৰ ভিতৰতে তৃতীয় ৰেংক দখল কৰিছিল।
ট্ৰেইনিং শেষত উমা তেলেংগানা পুলিচ একাডেমীলৈ গৈছিল। কন্যাক দেখাৰ লগে লগে পিতৃ ভেংকটেশ্বৰলু আৱেগিক হৈ পৰে। সন্মুখত থিয় হৈ থকা কন্যাক আনন্দৰে চেল্যুট দিয়ে। সেই সময়ৰে ফটো এতিয়া ছ’চিয়েল মিডিয়াত ভাইৰেল হৈ পৰিছে।
আই এ এছ উমা হাৰাথীয়ে তেলেংগানাৰ পৰাই প্ৰাথমিক শিক্ষা গ্ৰহণ কৰিছিল। উমাৰ পিতৃ এন ভেংকটেশ্বৰলু নাৰায়ণপেট জিলাৰ আৰক্ষী অধীক্ষক। উমা আই পি এছৰ পিতৃৰ পৰা বহু পৰিমাণে প্ৰভাৱিত হৈছিল। পঞ্চম প্ৰচেষ্টাত অৱশেষত অসামৰিক সেৱাৰ পৰীক্ষাত দেশৰ ভিতৰত তৃতীয় স্থান লাভ কৰিবলৈ সক্ষম হয়।
আই এ এছ বিষয়া উমা হাৰাথী তেলেংগানাৰ নলগোণ্ডা জিলাৰ বাসিন্দা। আই আই টি হায়দৰাবাদৰ পৰা চিভিল ইঞ্জিনিয়াৰিঙৰ স্নাতক উমা হাৰাথীয়ে এ আই আৰ ৩ৰ জৰিয়তে ইউ পি এছ চি ২০২২ ক্ৰেক কৰিছিল। আই আই টিৰ ছাত্ৰী হোৱাৰ পিছতো তাইৰ লক্ষ্য আছিল আই এ এছ বিষয়া হিচাপে সমাজখনক সেৱা আগবঢ়োৱা। অৱশেষত পঞ্চম প্ৰচেষ্টাত সফলতা লাভ কৰে উমাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
