অসম লাইভ ২৪ঃ ভাৰতৰ প্ৰধানমন্ত্ৰীৰ বাবে বিশেষ BOEING 777 300 ER বিমান আজি ভাৰতৰ মাটিত অৱতৰণ কৰিব। আমেৰিকাৰ ৰাষ্ট্ৰপতিৰ এয়াৰফ’ৰ্চ উয়ানৰ মতে ক্ষমতাযুক্ত এই বিমানৰ অনেক বিশেষত্ব আছে। এই বিমানৰ সবাতোকৈ ডাঙৰ বিষয় হ’ল এই বিমানক কোনো মিছাইলে ক্ষতি কৰিব নোৱাৰে। এই বিমান এয়াৰ ইণ্ডিয়াৰ সলনি ভাৰতীয় বায়ুসেনাৰ হাতত থাকিব। ভাৰতলৈ একেলগে দুখন BOEING 777 300 ER বিমান আহিছে। এখনৰ ব্যৱহাৰ প্ৰধানমন্ত্ৰীয়ে কৰিব আৰু এখনৰ ব্যৱহাৰ ৰাষ্ট্ৰপতি আৰু উপ-ৰাষ্ট্ৰপতিয়ে কৰিব। এতিয়ালৈকে প্ৰধানমন্ত্ৰী, ৰাষ্ট্ৰপতিয়ে এয়াৰ ইণ্ডিয়াৰ 747 বিমান ব্যৱহাৰ কৰিছিল। সুৰক্ষাৰ দিশৰ পৰা এই বিমান আমেৰিকাৰ ৰাষ্ট্ৰপতিৰ বিমানৰ দৰেই সুৰক্ষিত। এই বিমানৰ আৰু এটা গুৰুত্বপূৰ্ণ বিষয় হ’ল এবাৰ ইন্ধন ভৰালেই ভাৰতৰ পৰা আমেৰিকালৈ ক’তো নৰখাকৈ যাব পাৰিব। ইয়াৰ পূৰ্বে দেশৰ প্ৰধানমন্ত্ৰীৰ বিমান উৰুওৱাৰ দায়িত্ব এয়াৰ ইণ্ডিয়াৰ আছিল। কিন্তু এই নতুন বিমান এয়াৰফ’ৰ্চৰ পাইলটে উৰুৱাব। দুয়োখন বিমানৰ দাম ৮,৪৫৮ কোটি টকা। এই বিমানৰ সুৰক্ষা অন্য বিমানতকৈ সম্পূৰ্ণ পৃথক। কোনো মিছাইলে ক্ষতি কৰিব নোৱাৰে এই বিমানক। আৰু আকাশতে এই বিমানত ইন্ধন ভৰাব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
