‘গেংগছ অব ৱাছেপুৰ’ৰ পৰিচালক অনুৰাগ কাশ্যপে ব্যক্তিগত জীৱনত বহু উত্থান-পতনৰ সন্মুখীন হৈছে। দুবাৰকৈ বিয়া হৈ যোৱা কেইবছৰমানৰ পৰা তেওঁৰ তুলনাত ২০ বছৰ সৰু প্ৰেমিকা শুভ্ৰা চেট্টীৰ সৈতে সম্পৰ্ক গঢ়ি তুলিছে। এতিয়া তৃতীয় বিৱাহক লৈ প্ৰতিক্ৰিয়া প্ৰকাশ কৰিছে পৰিচালকগৰাকীয়ে। শেহতীয়াকৈ এক সাক্ষাৎকাৰত তেওঁ নিজৰ সম্পৰ্ক আৰু শুভ্ৰাক বিয়া কৰাব নে নাই সেই বিষয়ে মুকলিকৈ কয়। লগতে শুভ্ৰাৰ লগত থকা তেওঁৰ বন্ধন আৰু বিৱাহ সম্পৰ্কে শুভ্ৰাই নিজে কি ভাবে সেই কথাও প্ৰকাশ কৰে।
অনুৰাগ কাশ্যপে, নিজৰ সম্পৰ্কৰ কথা কওঁতে কয়, “শুভ্ৰাৰ লগত থাকি মই বৰ সুখী। তেওঁৰ লগত মই দীঘলীয়া সময় থাকিব বিচাৰো, হয়তো জীৱনৰ শেষ সময়লৈ। তেওঁৰ বাবে যি কৰিব লাগে মই মোৰ সামৰ্থ অনুযায়ী কৰি যাম। ইমানখিনি শক্তি আৰু সাহস মোৰ আছে। এজন বৃদ্ধৰ বাবে প্ৰেমৰ নিৰাপত্তাহীনতা কি? কেৱল প্ৰেমিকাক প্ৰেম ঘূৰাই দিব পৰাকৈ সুস্থ হৈ থাকিব পাৰিলেই যথেষ্ট। কাৰণ প্ৰেমৰ প্ৰতিদান দিব নোৱাৰিলে কি হ’ব সকলোৱে জানে, জীৱনটো তেনেকুৱাই। গতিকে মই এই বিষয়ে তেনেকৈয়ে ভাবো। যেতিয়ালৈকে মোৰ ওচৰত যি আছে তেতিয়ালৈকে তেওঁক লৈ মই সুখী। মই কেৱল তেওঁক হেৰুৱাব নিবিচাৰো।”
অনুৰাগ কাশ্যপ নব্বৈৰ দশকত চলচ্চিত্ৰত অভিষেক ঘটাইছিল। ১৯৯৭ চনত আৰতি বাজাজৰ সৈতে বিৱাহপাশত আবদ্ধ হৈছিল।
২০০৯ চনত তেওঁলোকৰ বিৱাহ বিচ্ছেদ হয়। তেওঁলোকৰ দুয়োৰে এগৰাকী কন্যা আছে, তেওঁৰ নাম আলিয়া কাশ্যপ। ইয়াৰ পিছত ২০১১ চনত তেওঁৰ ছবি Dev.Dৰ অভিনেত্ৰী কল্কি ক’চলিনৰ সৈতে বিৱাহপাশত আবদ্ধ হৈছিল। কল্কিৰ সৈতে চাৰি বছৰৰ সংসাৰ কৰাৰ পিছতে ২০১৫ চনত তেওঁলোকৰ বিৱাহ বিচ্ছেদ হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
