উত্তৰ পূবৰ বাবে ভালখবৰ! মণিপুৰৰ পৰা প্ৰথমজন ন্যায়াধীশ নিযুক্তি উচ্চতম ন্যায়ালয়ত

উচ্চতম ন্যায়ালয়ে পালে আৰু দুজন বিচাৰপতি৷ ন্যায়াধীশ কোতিস্বৰ সিং আৰু ন্যায়াধীশ আৰ মহাদেৱনক উচ্চতম ন্যায়ালয়ত নিয়োগ কৰাত ছিলমোহৰ মাৰিলে ৰাষ্ট্ৰপতি দ্ৰৌপদী মুৰ্মূৱে৷ ন্যায়াধীশ নিয়োগৰ কথা আনুষ্ঠানিকভাৱে ঘোষণা কৰিছে আইনমন্ত্ৰী অৰ্জুন ৰাম মেঘাৱালে৷ ইয়াৰ ফলত শীৰ্ষ আদালত সম্পূৰ্ণ হ’ল ন্যায়াধীশৰ খালী পদ৷

উচ্চতম ন্যায়ালয়ত নতুন দুই ন্যায়াধীশ নিয়োগৰ ফলত উচ্চতম ন্যায়ালয়ত মুখ্য ন্যায়াধীশকে ধৰি মুঠ ন্যায়াধীশৰ সংখ্যা ৩৪লৈ বৃদ্ধি হৈছে৷ অৰ্থাৎ এতিয়া আৰু ন্যায়ালয়ত কোনো শূন্য পদ নাই৷ উল্লেখ্য যে মণিপুৰৰ পৰা এইবাৰ প্ৰথমবাৰৰ বাবে ন্যায়াধীশ হিচাপে নিয়োগ কৰা হৈছে কোতিস্বৰ সিঙক৷ বৰ্তমান জম্মু আৰু কাশ্মীৰ আৰু লাডাখৰ মুখ্য ন্যায়াধীশ তেওঁ৷ মণিপুৰৰ প্রথম এডভকেট জেনেৰেল বা চৰকাৰী অধিবক্তা হিচাপে নিয়োজিত আছিল ইবোতোম্বি সিং৷ সেই ইবোতম্বি সিঙৰেই পুত্ৰ কোতিস্বৰ সিং৷ দিল্লী বিশ্ববিদ্যালয়ৰ আইনৰ ছাত্ৰ এন কোতিস্বৰ সিঙে অধিবক্তা হিচাপে জীৱন আৰম্ভ কৰিছিল ১৯৮৬ চনত৷

তেওঁ কাম কৰিছে মণিপুৰ হাইকৰ্ট  আৰু গুৱাহাটী হাইকৰ্টতো৷ ন্যায়াধীশ হোৱাৰ পূৰ্বে মণিপুৰ হাইকৰ্টত চৰকাৰী কৌশলী বা এডভোকেট জেনেৰেস হিচাপেও কাম কৰিছে কোতিস্বৰ সিঙে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ