শাস্ত্ৰত উল্লেখ আছে চাৰিযুগৰ কথা৷ এইসমূহ হৈছে, সত্য, ত্ৰেতা, দ্বাপৰ আৰু কলি৷ বিষ্ণু পুৰাণত উল্লেখ আছে যে কলি যুগৰ শেষত সমগ্ৰ পৃথিৱী পাপত ডুবিব৷ অন্যায় আৰু অধৰ্মই গ্ৰাস কৰি দিব বিশ্ব সংসাৰক৷ সেই সময়ত আবিৰ্ভূত হ’ব বিষ্ণুৰ দশম অৱতাৰ কল্কি৷ সমগ্ৰ সৃষ্টিক বিনাশ কৰি নতুনকৈ আকৌ সকলো তেওঁ গঢ়ি তুলিব৷ বিষ্ণু পুৰাণৰ ওপৰিও স্কন্দ পুৰাণ, ভৱিষ্য পুৰাণ আৰু ভাগৱৎ পুৰাণত কলিযুগৰ কথা উল্লেখ আছে৷
১৬শ শতিকাত অচ্যুতানন্দ নামৰ এগৰাকী সাধুৱে ভৱিষ্য মলিকা নামৰ এখন গ্ৰন্থ ৰচনা কৰিছিল৷ ৫০০ বছৰ পূৰ্বে লিখা এই গ্ৰন্থত কলিযুগৰ শেষপৰ্বত পৃথিৱী ধ্বংসৰ পূৰ্বে কি কি ঘটনা ঘটিব সেই বিষয়ে কোৱা হৈছে৷ এই গ্ৰন্থত লিখা পুৰীৰ জগন্নাথ মন্দিৰ সম্পৰ্কীয় কেইবাটাও ভৱিষ্যদ্বাণী সত্য প্ৰমাণিতও হৈছে৷ জানি থওক পুৰীৰ জগন্নাথ মন্দিৰৰ বিষয়ে ভৱিষ্য মালিকাত কি কি উল্লেখ আছে?
ত্ৰিদেৱৰ কাপোৰত জুই লাগিব
ভৱিষ্য মালিকাত উল্লেখ আছে যে জগন্নাথ মন্দিৰৰ ভিতৰত জগন্নাথ, বলৰাম আৰু সুভদ্ৰাৰ কাপোৰত জুই লাগিব৷ সেই ভৱিষ্যবাণীমতেই কিছু বছৰ পূৰ্বে তিনি দেৱতাৰ কাপোৰত জুই লাগে৷ এই ঘটনাৰ পৰাই কলিযুগ শেষ পৰ্যায়ত আহি উপস্থিত হৈছে বুলি বহুতেই মনত ধাৰণা কৰিছে৷
মন্দিৰৰ ধ্বজ্জাত জুই
২০২০ চনৰ ১৯ মাৰ্চৰ দিনা জগন্নাথ মন্দিৰৰ বিশেষ পতাকাত জুই লাগে৷ একাদশী তিথিত জ্বলোৱা অক্ষয় প্ৰদীপৰ জুইয়ে হঠাৎ পতাকাখনতো জুই লাগে৷ ভৱিষ্য মলিকাৰ মতে কলিযুগৰ শেষত এই ঘটনা হ’ব লগা আছিল৷
মন্দিৰৰ চূড়াত শগুন
কোৱা হয় পুৰীৰ জগন্নাথ মন্দিৰৰ ওপৰেৰে কোনো চৰাই উৰিব নোৱাৰে৷ ইয়াৰোপৰি মন্দিৰৰ গাতো কোনো চৰাই নবহে৷ কিন্তু ২০২০ চনৰ জুলাই মাহত প্ৰথমে মন্দিৰৰ গাত শগুন বহে, ঈগলো বহে৷ কলিযুগৰ শেষত পৃথিৱী ধ্বংসৰ পূৰ্বে জগন্নাথ মন্দিৰৰ চূড়াত শগুন বহা দেখা যাব বুলি ভৱিষ্য মল্লিকাত উল্লেখ আছে৷
নীলচক্ৰ বেকা হৈ যাব
জগন্নাথ মন্দিৰৰ চূড়াত নীলচক্ৰ বা সুদৰ্শন চক্ৰ স্থাপিত আছে৷ ভৱিষ্য মল্লিকাত কোৱা হৈছে যে কলিযুগৰ শেষত এই সুদৰ্শন চক্ৰ বেঁকা হৈ যাব৷ ২০১৯ চনৰ মে মাহত চাইক্লন ফণিৰ তাণ্ডৱত বেঁকা হৈ যাব মন্দিৰৰ চূড়াত স্থাপিত সুদৰ্শন চক্ৰ৷ তাৰপাছতেই বহু চেষ্টা কৰিও সেই চক্ৰক আৰু নিজস্ব আকাৰ দিব পৰা নগ’ল৷
মন্দিৰৰ গাৰ পৰা শিল খহি অহা
ভৱিষ্য মলিকাত লিখা আছে যে পুৰীৰ জগন্নাথ মন্দিৰৰ গাৰ পৰা যেতিয়া শিল খহি পৰিব তেতিয়া বুজিব লাগিব যে পৃথিৱী ধ্বংস হ’বলৈ আৰু বেছি সময় নাই৷ ঐতিহাসিক তথ্য অনুসৰি ১৮৪২ চনৰ পৰা বৰ্তমান পৰ্যন্ত প্ৰায় ১৫-১৬ বাৰ পুৰীৰ মন্দিৰৰ গাৰ পৰা শিল খহি পৰিছে৷
প্ৰাচীন বটগছ মৰিব
জগন্নাথ মন্দিৰৰ কাষতেই এটি প্ৰাচীন বটগছ আছে৷ পৃথিৱী ধ্বংসৰ দিশে আগুৱাইছে বাবেই এই প্ৰাচীন বট গছ ভাঙি পৰিব৷ ২০১৯ত ফনিৰ তাণ্ডৱত সেই প্ৰাচীন বটগছ ভাঙি পৰে৷ তাৰপাছতেই আৰম্ভ হয় ক’ৰনা মহামাৰীৰ প্ৰকোপ৷ ভৱিষ্য মলিকাত এই বটগছৰ পতন হ’লে বিভিন্ন মাৰণ ৰোগ চৌপাশে বিয়পি লাখ লাখ মানুহৰ মৃত্যু হ’ব বুলিও উল্লেখ আছে৷ আৰু সেই ভৱিষ্যদ্বানী সঁচা প্ৰমাণিত হৈছে৷ কাণৰ ২০২০ চনত সমগ্ৰ বিশ্বত ক’ৰনাই লাখ লাখ লোকৰ প্ৰাণ কাঢ়ি নিয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
