বৰ্তমান সময়ত কেছ লেনদেনতকৈ অনলাইন লেনদেনেই সৰ্বাধিক কৰা হয়৷ অনলাইন লেনদেনৰ মাধ্যমেৰেই বজাৰ সমাৰ, ৰে’লৰ টিকট, ফ্লাইটৰ টিকট, ৰেস্তোৰাৰ বিল ফুৰা চকা সকলোবোৰ কৰা হয়৷ ইউপিআই পেমেণ্টৰ মাধ্যমেৰে যাৱতীয় লেনদেন প্ৰতিসময়তে কৰা হয়৷ কিন্তু কেতিয়াবা এই লেনদেন কৰোতে ভুল নম্বৰত আমি ধন পঠিয়াই পাও৷ সেই ধন আৰু হেৰাই গ’ল বুলি আমি এৰি দিও৷ কিন্তু এইদৰে ভুল নম্বৰত ধন গ’লে ওভতাই পোৱাৰ সম্ভাৱনা থাকে৷ তাৰবাবে কেইবাটামান উপায় অৱলম্বন কৰিব লাগিব৷
অনলাইন লেনদেন কৰিবলৈ হ’লে যদি ভুলবশত অন্য নম্বৰত টকা গুচি গ’লে চিন্তাৰ কাৰণ নাই৷ সহজেই সেই টকা ওভতাই পাব আপুনি. এই বিষয়টোক লৈ ৰিজাৰ্ভ বেংক অৱ ইণ্ডিয়াৰ নিৰ্দেশিকাও আছে৷ সম্প্ৰতি সামাজিক মাধ্যমত এই বিষয়টোক লৈ শ্বেয়াৰ কৰা হৈছে বিশেষ বাৰ্তা৷ RBI ৰ গাইডলাইন অনুসৰি, UPI বা ইণ্টাৰনেট বেংকিঙৰ মাধ্যমেৰে যদি ভুলবশত অন্য কাৰোবাৰ একাউণ্টলৈ গুচি যায় তেতিয়া অভিযোগ জনালে ৪৮ঘণ্টাৰ মাজত বেংকে সেই টকা পুনৰুদ্ধাৰ কৰি আপোনাক উভতাই দিবলৈ বাধ্য৷
কেনেকৈ উভতাই পাব ধন?
অবিলম্বে টোল ফ্ৰি নম্বৰ 18001201740ত ফোন কৰি অভিযোগ দাখিল কৰিব লাগিব৷ কাষ্টমান কেয়াৰত একাউণ্ট নম্বৰ আৰু কোন সময়ত পেমেণ্ট কৰিছিল সেই সংক্ৰান্তিয় যাৱতীয় তথ্য জনাওক৷ যদি আপুনি দিয়া সকলো তথ্য সঠিক হয় তেন্তে ৪৮ঘণ্টাৰ মাজত টকা আপোনাৰ একাউণ্টত উভতি আহিব৷
ইয়াৰোপৰি আপুনি বেংকত যোগাযোগ কৰি ফৰ্ম পূৰণ কৰিও ভুল লেনদেনৰ অভিযোগ জনাব পাৰে৷ লেনদেনৰ ৰেফাৰেন্স নম্বৰ, তাৰিখ, পৰিমাণ আৰু যে ভুল একাউণ্টত টকা পঠিওৱা হৈছে সেই তথ্যসহ ফৰ্মখন পূৰণ কৰিব লাগিব৷ তেতিয়া আপুনি সেই ধন উভতাই পাব৷ যদি বেংকে কোনো কাৰণত আপোনাক সহায় কৰিবলৈ অস্বীকাৰ কৰে তেন্তে bankingombudsman.rbi.org.in ত গৈ অভিযোগনামা দাখিল কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
