নৱম টি-২০ বিশ্বকাপ ভাৰতৰ হাতলৈ আহিল৷ অৰ্থাৎ ভাৰত বিশ্বচেম্পিয়ন হ’ল৷ ২০০৭ৰ পৰা আৰম্ভ হোৱা টি-২০ বিশ্বকাপত বৰ্তমানলৈ ৫টা দলেই বিশ্বচেম্পিয়ন হৈছে৷ এই ৫ দল হৈছে, ভাৰত, ৱেষ্ট ইণ্ডিজ, ইংলেণ্ড, অষ্ট্ৰেলিয়া আৰু পাকিস্তান৷ ৰূপেৰে তৈয়াৰ কৰা এই ট্ৰফীৰ যুঁজত প্ৰত্যেক দুবছৰৰ অন্তত নামে বিভিন্ন দেশে৷ এইবাৰ বিশ্বকাপ ভাৰতলৈ আহিছে৷ ভাৰতলৈ বিশ্বকাপ অহাৰ পাছতেই ক্ৰিকেটপ্ৰেমীৰ মনত এটা প্ৰশ্ন আহিছে৷ বিশ্বজয়ী ভাৰতীয় দলৰ হাতত তুলি দিয়া বিশেষ ট্ৰফীটো লৈ সকলোৱে পজ দিলে কিন্তু এতিয়া সেই ট্ৰফী কাৰ হাতত থাকিব? অধিনায়ক, কোচ নে বৰ্ডে এই ট্ৰফী ৰাখিব? জানি থওক বিস্তাৰিতভাৱে৷
কোনে নিৰ্মাণ কৰে ট্ৰফীটো?
অডিআই বিশ্বকাপৰ পৰা টি-২০ বিশ্বকাপৰ ট্ৰফী বেলেগ৷ অডিআই বিশ্বকাপৰ ট্ৰফীটো সোণেৰে নিৰ্মিত৷ আনহাতে টি-২০ বিশ্বকাপৰ ট্ৰফীটো ৰূপেৰে তৈয়াৰ কৰা৷ বিশ্বকাপৰ প্ৰথম বৰ্ষত অৰ্থাৎ ২০০৭ চনত এই ট্ৰফিটো অষ্ট্ৰেলিয়াৰ মিনেল ব্ৰাইছ ডিজাইন ষ্ট্ৰেটেজিয়ে এই ট্ৰফীটো ডিজাইন কৰিছিল৷ আৰু ট্ৰফীটো নিৰ্মাণ কৰি উলিয়াইছিল ভাৰতীয় ব্যক্তি অমিত পাবুৱালে৷ ইয়াৰপাছতেই লণ্ডনৰ লিংক্সত ফাইনেল ট্ৰফীটো নিৰ্মাণ হৈছিল৷ ২০২১ চনত থমাছে এই ট্ৰফিৰ অফিচিয়েল প্ৰযোজক হয়৷ এই ট্ৰফীত ৰূপৰ ওপৰিও ৰেডিয়াম থাকে৷ ইয়াৰ ওজন প্ৰায় ১২ কিঃগ্ৰাঃ৷ ইয়াৰ উচ্চতা ৫৭.১৫ ছেণ্টিমিটাৰ৷ প্ৰস্থ ১৬.৫ চেণ্টিমিটাৰ পৰ্যন্ত৷ ৰিপৰ্ট অনুসৰি ইয়াৰ দাম ১৫ৰ পৰা ২০ লাখ টকাৰ মাজত৷
প্ৰকৃত ট্ৰফীটো দি দিয়া হয়নে?
অডিআই বিশ্বকাপৰ দৰে টি-২০ বিশ্বকাপত প্ৰকৃত ট্ৰফীটো দলক দি দিয়া নহয়৷ ICCয়ে এই ট্ৰফী নিজৰ ওচৰতেই ৰাখে৷ ইয়াৰ সলনি বিজয়ী দলক প্ৰকৃত ট্ৰফীৰ ৰেপ্লিকা ট্ৰফী দিয়া হয়৷ বিশ্বকাপ জয় কৰাৰ সময়ত এই ট্ৰফী হাতত তুলি দিয়া হয়৷ ইয়াৰপাছতেই সেয়া কিছুদিন বিজয়ী দলে লগত ৰাখিব পাৰে৷ তাৰপিছতেই সেই ট্ৰফী আকৌ ICCৰ হাতত তুলি দিব লাদে৷ ইয়াৰ সলনি এটা ৰেপ্লিকা ট্ৰফী দিয়া হয়৷
ৰেপ্লিকা ট্ৰফী ক’ত থাকে?
বিজয়ী দলে যি ৰেপ্লিকা ট্ৰফী পায় সেয়া কোনো অধিনায়ক, কোচক দিয়া নহয়৷ এইয়া ক্ৰিকেট বৰ্জে তেওঁলোকৰ কেবিনেটত ৰাখে৷ ইয়াৰ পূৰ্বে ভাৰতে তিনিবাৰ বিশ্বকাপ জয় কৰিছে৷ ইয়াৰ মাজতেই আছে ২০০৭ চনৰ টি-২০ বিশ্বকাপ আৰু ১৯৮৩ আৰু ২০১১ ৰ অডিআই বিশ্বকাপ৷ এই তিনিটা বিশ্বকাপ BCCI ৰ ট্ৰফী কেবিনেটত আছে৷ প্ৰতিটো ক্ৰিকেট বৰ্ডেই তেনেকৈয়ে ট্ৰফী ৰাখে৷
খেলুৱৈয়ে কি পায়?
বিশ্বকাপজয়ী দলৰ খেলুৱৈসকলে চাৰ্টিফিকেট আৰু মেডেল লাভ কৰে৷ ইয়াৰোপৰি বিজয়ী দলৰ প্ৰাপ্ত অৰ্থৰ পৰিমাণ এই খেলুৱৈসকলৰ মাজত সমানভাৱে ভাগ কৰা হয়৷ ভাৰতীয় দলে পুৰস্কাৰ হিচাপে পাইছে ২০.৩৭ কোটি টকা৷ BCCIৰ পক্ষৰ পৰা সমগ্ৰ দলক ১২৫ কোটি টকা পুৰস্কাৰ ঘোষণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
