বিগত বছৰ এনিমেল ছবিৰ জৰিয়তে আকৌ এবাৰ চৰ্চাত আহিছে ববি দেওল৷ বহুতেই কৈছে, ‘কেৰিয়াৰৰ নতুন ইনিংছ আৰম্ভ কৰাত আকৌ সহায় কৰিছে সন্দীপ ৰেড্ডিৰ এনিমেলে৷ ছবিত খলনায়কৰ চৰিত্ৰত অভিনয় কৰি নজৰ কাঢ়িছে ববিয়ে৷ আকৌ এবাৰ ডাঙৰ পৰ্দাত খলনায়কৰ চৰিত্ৰত অভিনয় কৰি দৃষ্টি কাঢ়িছে ধৰ্মেন্দ্ৰ পুত্ৰই৷ পাঞ্জাৱী পৰিয়ালৰ সন্তান ববি৷ সম্প্ৰতি এক সাক্ষাৎতকাৰত নিজৰ খাদ্যভ্যাসক লৈ আলোচনা কৰা দেখা গৈছে ববি দেওলক৷
সাক্ষাৎকাৰত ববি দেওলে কয়, ‘অত্যধিক গাখীৰ খোৱাৰ বাবে পেটৰ সমস্যা আৰম্ভ হৈছিল৷ মই এসময়ত বহুত গাখীৰ খাইছিলো৷ প্ৰতিদিনে অন্তত ৭ৰ পৰা ৮গ্লাছকৈ গাখীৰ খাইছিলো৷ এতিয়া বুজিব পাৰিছো মোৰ কিয় হজমজনিত সমস্যা আৰম্ভ হৈছে৷ বেছি গাখীৰ খোৱাৰ বাবে মই আগতে সকলোসময়তে ডাঙৰ গ্লাছ বিচাৰিছিলো৷ মোৰ পিতৃয়ে সেয়ে মোক এটা গ্লাছেই উপহাৰত দিছিল৷ পৰবৰ্তী সময়ত সেই গ্লাছতেই মই গাখীৰ খাওঁ৷’ কিন্তু এতিয়া নিজৰ অভ্যাস সলনি কৰিছে অভিনেতাজনে৷ এদিনত মই মাত্ৰ তিনি গ্লাছমানহে গাখীৰ খাওঁ৷
অতিৰিক্ত গাখীৰ খালে কি ক্ষতি হয় শৰীৰৰ?
১. গাখীৰত থকা লেক্টজ হজম হওতে বাধা আহে৷ যদি অতিৰিক্ত গাখীৰ খাই তেন্তে বদহজমৰ সমস্যা হয়, গেছ, পেটৰ বিষৰ দৰে সমস্যা হ’ব পাৰে৷
২. একাপ গাখীৰত প্ৰায় ১৮০ কেলাৰি থাকে৷ খুব বেছি মাত্ৰাত গাখীৰ খালে বিশেষকৈ ফুল ফেট গাখীৰ খালে ওজন বৃদ্ধি হয়৷
৩. ফুল ফেট গাখীৰত ছেচুৰেটেড ফেটৰ পৰিমাণ বহু বেছি থাকে৷ এই ফেট বেছি মাত্ৰাত শৰীৰত জমা হ’লে কলষ্টেৰলৰ মাত্ৰা বাঢ়ি যায়৷
৪. ডায়বেটিছৰ ক্ষেত্ৰত অতিৰিক্ত গাখীৰ খোৱাটো স্বাস্থ্যকৰ নহয়৷ গাখীৰৰ কাৰণে ৰক্ত শৰ্কৰাৰ মাত্ৰা বাঢ়ি যাব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
