বৈদিক জ্যোতিষত মঙলৰ গোচৰ অত্যন্ত গুৰুত্বপূৰ্ণ এক ঘটনা৷ মঙলক সেনাপতি গ্ৰহ বুলিও কোৱা হয়৷ সাহস, বীৰত্ব, হিংসা, যুদ্ধ বিগ্ৰহ এই সকলো মঙলৰ সৈতে সম্পৰ্কযুক্ত৷ আগন্তুক ২৬ আগষ্টত মঙল গ্ৰহই ৰাশি পৰিবৰ্তন কৰিব৷ সেই দিনাই পালিত হ’ব কৃষ্ণ জন্মাষ্টমী৷ সেই দিনা বুধৰ ৰাশি মিথুনত প্ৰৱেশ কৰিব ৰঙা গ্ৰহ মঙলে৷ কোন কোন ৰাশিৰ বাবে এই গোচৰে অশুভ ফল আনিলেও এয়া শুভ ফলদায়ী হ’ব কেইটামান ৰাশিৰ জাতকৰ বাবে৷ জানি থওক জন্মাষ্টমীৰ শুভ দিনটোত মঙলৰ গোচৰৰ ফলত ভাল দিন আহিব কেইটামান ৰাশিৰ জাতকৰ৷
মেষ ৰাশি
মেষ ৰাশিৰ অধিপতি গ্ৰহ হৈছে মঙল৷ মঙলৰ গোচৰ অত্যন্ত লাভজনক হ’ব মেষ ৰাশিৰ জাতকৰ বাবে৷ এই সময়ত আপুনি যি কামত হাত দিব তাতেই সফলতা পাব৷ ধৰ্মীয় বিষয়ত আগ্ৰহ বাঢ়িব মেষ ৰাশিৰ জাতকৰ৷ ঘৰুৱা সুখ শান্তি বৰ্তি থাকিব৷ সম্পদৰ পৰিমান বৃদ্ধি পাব৷ হঠাৎ অতিৰিক্ত অৰ্থ আহিব আপোনাৰ হাতত৷ পৰিয়ালৰ সৈতে কৰোবালৈ ফুৰিবলৈ যাব পাৰে৷ বুদ্ধিবৃত্তিৰ বিকাশ ঘটিব৷ শিক্ষাগত কাৰণে বিদেশ যাত্ৰাৰ যোগ আছে৷
সিংহ ৰাশি
জ্যোতিষ গণনা অনুসৰি মঙলৰ গোচৰৰ প্ৰভাৱ ২৬ আগষ্টৰ পৰা ভাগ্য খুলিব সিংহ ৰাশিৰ জাতকৰ৷ এই সময়ত আপুনি নিজৰ কামত সফলতা পাব৷ কাৰ্যালয়ত ঊৰ্ধতন কৰ্তৃপক্ষই আপোনাৰ কামত সুখী হ’ব৷ কৰ্মক্ষেত্ৰত পৰিবৰ্তনৰ যোগ আছে৷ আৰ্থিক পৰিস্থিতি মজবুত হ’ব৷ ব্যৱসায় আৰু বঢ়াব পাৰে৷ পাৰিবাৰিক জীৱনত সুখ থাকিব৷ সকলো মিলি এই সময় অত্যন্ত লাভজনক হ’ব সিংহ ৰাশিৰ জাতকৰ৷
কন্যা ৰাশি
জ্যোতিষ অনুসৰি জন্মাষ্টমীৰ পৰা সুখৰ সময় কটাব কন্যা ৰাশিৰ জাতকে৷ এই সময়ত কোনো সুখবৰ পাব পাৰে আপুনি৷ কেৰিয়াৰত উন্নতি কৰাৰ যোগ আছে৷ কন্যা ৰাশিৰ জাতকৰ ছাত্ৰ-ছাত্ৰীসকলে এই সময়ত লেখাপঢ়াত ভাল ফল লাভ কৰিব৷ কৰ্মক্ষেত্ৰত আপুনি ডাঙৰ দায়িত্ব পাব৷ ব্যৱসায়ত লাভ বাঢ়িব৷ জীৱনসংগীৰ স্বাস্থ্যৰ প্ৰতি নজৰ ৰাখক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
