হিন্দু ধৰ্মত কৃষ্ণ জন্মাষ্টমীৰ বিশেষ মাহাত্ম্য আছে৷ ভাদমাহৰ কৃষ্ণপক্ষৰ অষ্টমী তিথিত কৃষ্ণ জন্মাষ্টমী পালিত হ’ব৷ শ্ৰীমদ্ভাগৱত পুৰাণ অনুসৰি অষ্টমী তিথি, ৰোহিনী নক্ষত্ৰ, বৃষ লগ্ন আৰু বুধবাৰে মাজনিশা মথুৰাৰ কাৰাগাৰত কৃষ্ণই জন্মগ্ৰহণ কৰিছিল৷ এই তিথিত কৃষ্ণ ভক্তসকলে উপবাসে থাকি মাজনিশা কৃষ্ণৰ জন্মৰ পাছত তেওঁৰ পূজা কৰে৷ মথুৰা, বৃন্দাবনসহ সমগ্ৰ বিশ্বত এই উৎসৱ পালিত হয়৷ এই বছৰ কেতিয়া জন্মাষ্টমী, জানি থওক সবিশেষ৷
কৃষ্ণা জন্মাষ্টমীৰ শুভক্ষণ
অষ্টমী তিথি আৰম্ভ হ’ব ২৬ আগষ্ট ২০২৪, নিশা ৩বাজি ৪০ মিনিটত৷
অষ্টমী তিথি সমাপ্ত হ’ব ২৭ আগষ্ট ২০২৪ৰ পুৱা ২ বাজি ২০ মিনিটত৷
এইবাৰ ভাদমাহৰ কৃষ্ণপক্ষৰ অষ্টমী তিথি পৰিছে ২৬ আগষ্ট ২০২৪ত৷ সেয়ে পুজাৰ সময় হৈছে ২৬তাৰিখৰ মাজনিশা৷
জন্মাষ্টমীৰ ৰোহিনী নক্ষত্ৰৰ সময়
ৰোহিনী নক্ষত্ৰ আৰম্ভ হ’ব ২৬ আগষ্টৰ সন্ধিয়া ৩বাজি ৫৫ মিনিটত৷ ৰোহিনী নক্ষত্ৰ সমাপ্ত হ’ব ২২ আগষ্টৰ পুজা ২বাজি ২০ মিনিটত৷
পুজাৰ সময়
কৃষ্ণ জন্মাষ্টমীৰ পুজা নিশা ১২ বাজি ৪৫ মিনিট পৰ্যন্ত থাকিব৷ পুজাৰ বাবে থাকিব ৪৫ মিনিট সময়৷
ব্ৰতভংগ হ’ব ২৭ আগষ্টৰ পুৱা ১১ বজাত৷
কৃষ্ণ জন্মাষ্টমীত জয়ন্তী যোগ
এই বছৰ ২৬ আগষ্ট কৃষ্ণ জন্মাষ্টমীত জয়ন্তী যোগ তৈয়াৰ হৈছে৷ শাস্ত্ৰ অনুযায়ী জয়ন্তী যোগ জন্মাষ্টমী ব্ৰত কৰিলে অক্ষয় পূণ্য ফল লাভ কৰিব৷ কৃষ্ণৰ কৃপাত সুখ সমৃদ্ধি লাভ সম্ভৱ হয়৷ কথিত আছে যে ব্যক্তিয়ে এই যোগত জন্মাষ্টমী ব্ৰত কৰিলে বৈকুণ্ঠ লাভ কৰিব৷ এই বছৰ গৃহস্থ আৰু বৈষ্ণৱে একেদিনাই জন্মাষ্টমী পালন কৰিব৷
কৃষ্ণ জন্মাষ্টমীৰ মাহাত্ম্য
শাস্ত্ৰ অনুসৰি দ্বাপৰ যুগত অষ্টমী তিথি আৰু ৰোহিনী নক্ষত্ৰত বিষ্ণুয়ে কৃষ্ণ অৱতাৰৰূপে জন্মগ্ৰহণ কৰিছিল৷ মথুৰাত কংসৰ ভনীয়েক দৈৱকী আৰু ভগ্নিপতী বাসুদেৱৰ অষ্টম সন্তান আছিল কৃষ্ণ৷ কংস বধ কৰি অধৰ্ম, অবিচাৰ, অন্যায় নাশৰ বাবে কৃষ্ণৰূপে জন্মগ্ৰহণ কৰিছিল নাৰায়ণে৷ প্ৰচলিত বিশ্বাস অনুসৰি যিসকলে জন্মাষ্টমীত উপবাস কৰে, নিয়ম মানি কৃষ্ণৰ পূজা কৰে, তেওঁলোকৰ সমস্ত কষ্ট আৰু সমস্যা দূৰ হয় আৰু জীৱনত সুখ সমৃদ্ধিৰ আগমন ঘটে৷ ইয়াৰোপৰি সেই ব্যক্তিয়ে জন্ম মৃত্যুৰ বন্ধনৰ পৰা মুক্ত হৈ মোক্ষ লাভ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
