নতুন জীৱন পাব ৬ বছৰীয়াই, ফুৰ্তিতে গোটেই হাস্পতালৰে কৰ্মীক জনালে অভিবাদন, ভিডিঅ’ দেখি চকুলো নিগৰিব আপোনাৰো
ছ’চিয়েল মিডিয়াত ভাইৰেল হৈছে ছয় বছৰীয়া ল’ৰা এটাৰ হৃদয়স্পৰ্শী ভিডিঅ’। যি ভিডিঅ’ দেখি বহুলোকৰে নিগৰিছে অশ্ৰু । ভিডিঅ’টোত শিশুটিয়ে নতুন জীৱন লাভ কৰাৰ কথা সকলোকে ফুৰ্তিতে কৈ ফুৰিছে।
সমগ্ৰ হাস্পতাল খনৰে কৰ্মীক শিশুটিয়ে আনন্দৰে ঘোষণা কৰিছে যে তেওঁ “নতুন হৃদয় লাভ কৰিছে।” অস্ত্ৰোপচাৰৰ পূৰ্বে এই কণমানি ল’ৰাটোৱে আনন্দত নাচি থকা ভিডিঅ’টো সকলোৰে বাবে এক ডাঙৰ খবৰ যেন লাগে।
বিডিঅ’ত দেখা এই কনমানি ছয় বছৰীয়া শিশুটিৰ নাম জন-হেনৰী। জন হেনৰীয়ে যোৱা ছমাহ ধৰি জীৱন ৰক্ষাকাৰী হৃদৰোগ অপাৰেচনৰ বাবে অপেক্ষা কৰি আছিল। অৱশেষত নিশ্চিত হ’ল যে তেওঁ এজন দাতাৰ পৰা হৃদযন্ত্ৰ লাভ কৰিছে। দীৰ্ঘদিনীয়া অপেক্ষাৰ অন্ত পৰাৰ পিছত সুখ আৰু উত্তেজনাৰে ভৰা শিশুটিৰ ভিডিঅ’টোৱে লাখ লাখ মানুহৰ হৃদয় মন্ত্ৰমুগ্ধ কৰি তুলিছে।
https://x.com/CleClinicKids/status/1828429609848934709
অহিঅ’ৰ ক্লিভলেণ্ড ক্লিনিকৰ একাউণ্টে মাইক্ৰ’ব্লগিং চাইট এক্সত পোষ্ট কৰা এই ভিডিঅ’টোত জন-হেনৰীয়ে আনন্দত জপিয়াই ফুৰা দেখা গৈছে। ভিডিঅ’টোত শিশুটিয়ে হাস্পতালৰ সকলো চিনাকি লোককে এই খবৰটো দি ফুৰা দেখা গৈছে।
জন-হেনৰীৰ জন্মতেই হাইপ’প্লাষ্টিক লেফ্ট হাৰ্ট চিনড্ৰম (HLHS) ৰোগত আক্ৰান্ত বুলি ধৰা পৰিছিল। জন্মৰ সময়ত এই বিৰল ৰোগ, য’ত হৃদযন্ত্ৰৰ এটা অংশ অবিকশিত হৈ শৰীৰলৈ পৰ্যাপ্ত পৰিমাণৰ তেজ পাম্প কৰিব নোৱাৰে। জন্মৰ আগতেই জন-হেনৰীৰ এই অৱস্থা ডাক্তৰে ধৰা পেলাইছিল।
যাৰ বাবে অস্ত্ৰোপচাৰৰ বাবে পূৰ্বৰে পৰা প্ৰস্তুত আছিল চিকিৎসকৰ দল। সেয়ে জন্মৰ মাত্ৰ ৫ দিনৰ পিছতে শিশুটিৰ প্ৰথম মুকলি হৃদযন্ত্ৰৰ অস্ত্ৰোপচাৰ হৈছিল। এতিয়া নতুন হাৰ্টেৰে দ্বিতীয়টো তথা ডাঙৰ হাৰ্ট ট্ৰান্সপ্লান্ট অস্ত্ৰোপচাৰৰ সম্পন্ন হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
