ভয়ংকৰ দুৰ্ঘটনা, একেলগে প্ৰাণ হেৰুৱালে ১৭জনে, ১৬ আহত, মৃতকৰ সংখ্যা বৃদ্ধিৰ আশংকা, ৰাষ্ট্ৰপতিৰ শোক প্ৰকাশ
৬ ছেপ্টেম্বৰৰ সন্ধিয়া আগ্ৰা-হাথৰাছ পথত জনৰাথ বাছ আৰু টাটা এচ বাহনৰ মাজত ভয়ংকৰ মুখামুখি সংঘৰ্ষত ১৭ জন লোকৰ মৃত্যু হয়। এই দুৰ্ঘটনাত ১৬ জন লোক আহত হৈছে। গুৰুতৰভাৱে আহত ৮ জন লোকক চিকিৎসাৰ বাবে উন্নত হাস্পতাললৈ প্ৰেৰণ। আন কিছুমান জিলা চিকিৎসালয়ত চিকিৎসাধীন হৈ আছে।
আগ্ৰা-হাথৰাছ পথৰ চান্দপা আৰক্ষী থানা এলেকাৰ নাগলা ভূস বাইপাছ কপুৰা ছেক্সনৰ সমীপত সংঘটিত হয় এই দুৰ্ঘটনা। দুৰ্ঘটনাৰ কাৰণ টাটা এচ গাড়ীখন ভুলকৈ অভাৰটেকিং কৰা বুলি জানিব পৰা গৈছে। মৃত্যু হোৱাসকলৰ ভিতৰত ১৬ জন আগ্ৰাৰ খাণ্ডাউলী থানা এলেকাৰ গাঁও চেমৰাৰ বাসিন্দা হোৱাৰ বিপৰীতে এজন ফিৰোজাবাদ জিলাৰ বাসিন্দা।
সংঘৰ্ষটো ইমানেই ভয়াৱহ আছিল যে টাটা এচখন বহু দূৰত উফৰি পৰি টুকুৰা-টুকুৰ হৈ যায়। দুৰ্ঘটনা সংঘটিত হোৱাৰ পিছতে ঘটনাস্থলীত স্থানীয় লোক উপস্থিত হৈ নিজেও উদ্ধাৰকাৰ্যত নামি পৰে লগতে আৰক্ষীকো ঘটনা সন্দৰ্ভত খবৰ কৰে। আহত আৰু মৃতকক উদ্ধাৰ কৰি জিলা চিকিৎসালয়লৈ প্ৰেৰণ কৰে সমবেত স্থানীয় লোকে। চিকিৎসকে ১৭ জনক মৃত ঘোষণা কৰে।
ৰাষ্ট্ৰপতি দ্ৰৌপদী মুৰ্মুৱে এই হাথৰাছ পথ দুৰ্ঘটনাত শোক প্ৰকাশ কৰিছে। ৰাষ্ট্ৰপতি দ্ৰৌপদী মুৰ্মুৱে কয় যে উত্তৰ প্ৰদেশৰ হাথৰছ জিলাত সংঘটিত পথ দুৰ্ঘটনাত বহু লোকৰ মৃত্যুৰ খবৰটো অত্যন্ত দুখজনক। আপোনজনক হেৰুৱাই শোকসন্তপ্ত পৰিয়াললৈ গভীৰ সমবেদনা জ্ঞাপন কৰাৰ লগতে আহতসকলৰ আশু আৰোগ্য লাভৰ বাবে প্ৰাৰ্থনা জনাইছো।
হাথৰাছৰ পথ দুৰ্ঘটনাক লৈ শোক প্ৰকাশ কৰে উত্তৰ প্ৰদেশৰ মুখ্যমন্ত্ৰী যোগী আদিত্যনাথে। মুখ্যমন্ত্ৰী যোগীয়ে টুইটাৰযোগে কয় যে হাথৰাছ জিলাত সংঘটিত পথ দুৰ্ঘটনাত বহু লোকে প্ৰাণ হেৰুৱাইছে, যি অত্যন্ত দুখজনক। মৃতকৰ শোকসন্তপ্ত পৰিয়ালবৰ্গলৈ মোৰ সমবেদনা জ্ঞাপন কৰিলোঁ। আহতসকলক উপযুক্ত চিকিৎসাৰ ব্যৱস্থা কৰিবলৈ জিলা প্ৰশাসনৰ বিষয়াসকলক নিৰ্দেশ দিয়া হৈছে। ভগৱান শ্ৰীৰামৰ ওচৰত মৃতকৰ সকলৰ বিদেহী আত্মাৰ শান্তি আৰু আহতসকলক শীঘ্ৰে আৰোগ্য লাভ কৰাৰ বাবে প্ৰাৰ্থনা।
হাথৰাছৰ পথ দুৰ্ঘটনাক লৈ শোক প্ৰকাশ কৰে ইউ পিৰ মুখ্যমন্ত্ৰী যোগী আদিত্যনাথে । মুখ্যমন্ত্ৰী যোগীয়ে টুইটাৰযোগে কয় যে হাথৰাছ জিলাত সংঘটিত পথ দুৰ্ঘটনাত প্ৰাণ হেৰুৱাইছে অত্যন্ত দুখজনক। মৃতকৰ শোকসন্তপ্ত পৰিয়ালবৰ্গলৈ মোৰ সমবেদনা জ্ঞাপন কৰিলোঁ। আহতসকলক উপযুক্ত চিকিৎসাৰ ব্যৱস্থা কৰিবলৈ জিলা প্ৰশাসনৰ বিষয়াসকলক নিৰ্দেশ দিয়া হৈছে। ভগৱান শ্ৰীৰামৰ ওচৰত তেওঁৰ চৰণত বিদেহী আত্মাক শান্তি আৰু আহতসকলক শীঘ্ৰে আৰোগ্য লাভ কৰাৰ বাবে প্ৰাৰ্থনা।
হাথৰাছৰ পথ দুৰ্ঘটনা সন্দৰ্ভত প্ৰধানমন্ত্ৰীৰ ৰাষ্ট্ৰীয় সাহায্য পুঁজিৰ হৈ প্ৰধানমন্ত্ৰী নৰেন্দ্ৰ মোদীয়ে মৃতকৰ পৰিয়ালক ২ লাখ টকা আৰু আহতক ৫০ হাজাৰ টকাৰ এক্স গ্ৰেচিয়া দিয়াৰ কথা ঘোষণা কৰিছে। আনহাতে মুখ্যমন্ত্ৰী আদিত্যনাথে, এই দুৰ্ঘটনাত মৃত্যু হোৱা লোকসকলৰ পৰিয়াললৈ ২ লাখকৈ টকা আৰু গুৰুতৰভাৱে আহত লোকসকলক ৫০ হাজাৰ টকাৰ এক্স-গ্ৰেচিয়া ধন প্ৰদান কৰাৰ কথা ঘোষণা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
