বাহনৰ ভিতৰতো বিপদে লগ নেৰে৷ সেয়া ব্যক্তিগত বাহনেই হওক বা কেবেই হওক৷ প্ৰতি শ্বাসতেই নাকেৰে দেহত প্ৰৱেশ কৰে বহুপৰিমানৰ ৰাসায়নিক৷ আৰু সেই ৰাসায়নিকেই কৰ্কটৰ কাৰণ৷ আমেৰিকাৰ বিজ্ঞানীসকলে গৱেষণাত এই দাবী কৰিছে৷ ‘এনভায়ৰনমেণ্টেল ছায়েন্স এণ্ড টেকনোলজি বিজ্ঞান পত্ৰিকাত এই বিষয়টোক লৈ এখন গৱেষণাপত্ৰ প্ৰকাশ কৰা হৈছে৷ বাহনৰ ভিতৰত চলিত বতাহৰ পৰাই কৰ্কটৰ আশংকা বাঢ়ে৷
আমেৰিকাৰ ডিউক বিশ্ববিদ্যালয়ৰ গৱেষকে ২০১৫ৰ পৰা ২০২২ চনৰ ভিতৰত প্ৰায় ১০১ টা বিদ্যুৎ, গেছ আৰু পেট্ৰল আৰু ডিজেলচালিত গাড়ী পৰীক্ষা কৰি এই দাবী কৰিছে৷ মুখ্য গৱেষক ৰেবেকা হেনেৰে এই সন্দৰ্ভত কয়, ‘গাড়ীৰ আসন. ষ্টিয়াৰিং তৈয়াৰ কৰিবলৈ যি ৰাসায়নিক ব্যৱহাৰ কৰা হয় তাৰ মাজৰে বহু উপাদানেই শৰীৰৰ বাবে বিপজ্জনক৷ এই সকলো ৰাসায়নিকে চালক আৰু যাত্ৰীৰ শৰীৰৰ বাবে বিষ৷ দিনৰ পাছত দিন এই সকলো ৰাসায়নিক সংস্পৰ্শ বেছি সময় ধৰি থাকিলে কৰ্কটৰ আশংকা বাঢ়ি যায়৷
বাহনৰ ভিতৰত কি কি ৰাসায়নিক পোৱা গৈছে?
ৰেবেকাই কয়, ১৯ শতাংশ বাহনত টিডিছিআইপিপি নামৰ এক ৰাসায়নিক ব্যৱহাৰ কৰা হয়, যি অগ্নিনিৰ্বাপনৰ কামত লাগে৷ এই ৰাসায়নিক শ্বাসনলীৰে সোমাই পৰিলে কৰ্কটৰ আশংকা বাঢ়ি যায়৷ ইয়াৰোপৰি বাহনৰ আসন তৈয়াৰ কৰিবলৈ যি ফোম ব্যৱহাৰ কৰা হয়, তাতেই পোৱা গৈছে টিছিআইপিপি নামৰ এক ধৰণৰ ৰাসায়নিক, যি খুব দ্ৰুতভাৱে বাহনৰ ভিতৰৰ বতাহত বিয়পি পৰে৷ এই ৰাসায়নিক কৰ্কটৰ কাৰণ হৈ পৰে৷ কেৱল কৰ্কটেই নহয়, এই ৰাসায়নিক দীৰ্ঘ সময় ধৰি শৰীৰৰ সোমাই থাকিলে স্নানু আৰু প্ৰজননতন্ত্ৰৰ ওপৰত প্ৰভাৱ পেলায়৷ থাইৰয়েডৰ সমস্যা থাকিলে সেয়া আৰু মাৰাত্মক হৈ উঠিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
